மாணவர் முரசு
இ-பேப்பர்
வழக்கமாக உட்கொள்ளும் உணவு வகைகள் சலிப்புத் தட்டும்போது நாவு மாறுபட்ட உணவுக்கு ஏங்குவது மனித இயல்பே. அப்படிப்பட்ட ஏக்கத்துடன் இருப்போரின் குறையைத் தீர்த்துவைக்கக் களமிறங்கியுள்ளன 'டிஃபின் ரூம்', 'மீட்ஸ்மித் லிட்டில் இந்தியா' உணவகங்கள்.
இவ்விரு உணவகங்களும் இணைந்து சிறப்பு சங்கம உணவு வகைகளைத் தயார் செய்கின்றன. இந்த ஏற்பாட்டின்கீழ் 'டிஃபின் ரூம்' உணவகத்தின் வட இந்திய உணவு வகைகளும் 'மீட்ஸ்மித் லிட்டில் இந்தியா'வின் இந்தியக் கலவையுடன் வரும் அமெரிக்க உணவு வகைகளும் சங்கமிக்கின்றன.
சைவ, அசைவ உணவு வகைகள் வழங்கப்படுகின்றன.
'டிஃபின் ரூம்'மின் சமையல் கலைஞர் குல்டிப் சிங், 'மீட்ஸ்மித் லிட்டில் இந்தியா'வின் சமையல் கலைஞர் எட்வின் டான் ஆகியோரின் கைவண்ணத்தால் இந்த உணவுச் சங்கமம் அரங்கேறுகிறது.
பீச் ரோட்டில் இருக்கும் ராஃபிள்ஸ் ஹோட்டலில் உள்ள 'டிஃபின் ரூம்' உணவகத்தில் இந்த உணவால் வயிற்றை நிரப்பிக்கொள்ளலாம்.
மதிய உணவு, இரவு உணவு இரண்டுக்கும் இந்த ஏற்பாடு பொருந்தும். நேற்று முன்தினம் தொடங்கிய உணவுச் சங்கமம் இம்மாதம் 28ஆம் தேதிவரை நீடிக்கும்.
சென்ற ஆண்டின் அமோக வரவேற்பிற்குப் பிறகு இரண்டாவது ஆண்டாக 'டிஃபின் ரூம்', 'மீட்ஸ்மித் இந்தியா' உணவு வகைகள் சங்கமிக்கின்றன.