நமது மதிப்பை உணர்ந்து இயங்கலாமே

இந்­தக் காலத்­தில் நமது மதிப்பை உணர்ந்து­கொள்­வ­தன் முக்­கி­யத்­து­வம் அடிக்­கடி வலி­யு­றுத்­தப்­ப­டு­வ­துண்டு. சுய மரி­யா­தைக்­கும் தனக்­கென ஓர் அடை­யா­ளத்தை நிலை­நாட்­ட­வும் அது தேவை­யான ஒன்று என்­பது பல வேளை­களில் எடுத்­துச் சொல்­லப்­படுகிறது.

நம்மை நாமே ஏற்­றுக்­கொள்­வது, 'செல்ஃப் லவ்' எனப்படும் சுய அன்பு செலுத்துவது போன்ற தன்­மு­னைப்பு சித்­தாந்­தங்­க­ளுக்கு அடித்­த­ள­மாக அமை­வது சுய மதிப்பு.

வாழ்க்­கை­யில் பல பிரச்­சி­னை­கள் நமது மதிப்பை உண­ரா­மல் இருக்­கும்­போ­து­தான் எழு­கின்­றன. தேவை­யின்றித் தம்மிடமே குறை கண்­டு­பி­டிப்­பது, தன்­னைத்தானே தாழ்த்திக்­கொள்­வது அல்­லது தாழ்­வா­கப் பேசு­வது போன்ற செயல்­கள் இதன் பின்விளைவுகளில் சில.

உதா­ர­ண­மாக, இத்­த­கை­யோர் பிறரை மதிக்­காமல் அவர்களை மனத்தளவில் காயப்படுத்தும் சுயநலவாதிகளுடன் நெருக்­க­மாக இருக்க வாய்ப்­புண்டு. தன்­னைப் பற்றிய எண்­ணம் சரி­யாக இல்­லா­த­தால் அப்­ப­டிப்­பட்­ட­வர்­க­ளு­டன்­தான் தங்­க­ளால் உறவு வைத்­துக்­கொள்­ள­மு­டி­யும் என்ற தாழ்வு மனப்­பான்­மை­ இதற்­குக் கார­ணம்.

உற­வு­கள் மட்­டு­மல்ல, தங்­க­ளைத் தாழ்­வாக மதிப்­படவைக்­கும் பல்­வேறு சூழல்­களில் இத்­த­கை­யோர் சிக்­கி­யி­ருக்கலாம்.

இளம் வய­தில் போது­மான அன்பு கிடைக்­கா­தது, வள­ரும் பரு­வத்­தில் தங்­க­ளைத் தாழ்­வாக நினைக்க வைப்­போ­ரு­டன் நெருக்­க­மாக இருந்­தது போன்ற கார­ணங்­க­ளால் சிலர் இந்த அவல நிலைக்கு ஆளா­க­லாம். கொடுமை என்­ன­வென்­றால் தங்­க­ளையே தாழ்த்­திக்­கொள்­கி­றோம் என்ற விழிப்­பு­ணர்­வும் இவர்­க­ளுக்­குப் பல வேளை­களில் இருக்­காது. தெரியும்போது ஆண்டுகள் வீணாகியிருக்கலாம்.

இப்­ப­டிப்­பட்ட மனப்­பான்மை வலைக்­குள் சிக்­கி­யி­ருப்­பதை அறிந்­து­கொள்ள சில அறி­கு­றி­கள் உள்­ளன.

பிற­ரு­டன் இருக்­கும்­போது ஒரு­வகை அசௌ­க­ரி­யம் ஏற்­ப­டு­வது, புதிய இடங்­கள், உற­வு­கள், சூழல்­கள் ஆகி­ய­வற்­றைத் தவிர்ப்­பது, அடிப்­படை தேவை­க­ளைக்­கூட பூர்த்­தி­செய்­யாத துன்­பு­றுத்­த­லுக்கு ஆளாக்­கும் உற­வு­களில் தொடர்ந்து இருப்­பது, பிற­ரி­டம் உத்­த­ர­வா­தம் நாடு­வது, பிறரை மகிழ்­விக்­கும் நட­வ­டிக்­கை­களை மேற்­கொள்­வது, பிறர் பாராட்­டி­னால்­கூட அதை ஏற்­றுக்­கொள்ள முடி­யா­தது, பிறர் தன்­னைத் தவ­றாக எண்­ணி­வி­டு­வரோ என்ற கவ­லை­யில் ஊறிப்­போ­வது உள்­ளிட்­டவை அறி­குறி­களில் சில. இப்­ப­டிப்­பட்ட ஒரு­வ­ராக நீங்­கள் இருந்­தால் கவலை வேண்­டாம். நீங்­கள் உங்­களை மீட்­டெ­டுக்­க­லாம்.

மனக்­க­வ­லையை அள்­ளித் தரும் மோச­மான உற­வு­க­ளி­லி­ருந்து வில­கி­வி­டுங்­கள். இது சவா­லா­னது. நமது மதிப்பை உண­ரா­த­போது இருப்­ப­தும் போய்­வி­டுமோ என்ற அச்­சம்­தான் இதற்­குக் கார­ணம். ஆனால் உங்­கள் தேவை­க­ளுக்­கும் உணர்­வு­க­ளுக்­கும் முக்­கி­யத்­து­வம் வழங்­கும்­போது அச்­சம் மறை­யத் தொடங்­கும்.

உங்­களை நீங்­கள் ஏற்­றுக்­கொள்­ளுங்­கள். சுய அன்பு செலுத்தி உங்­க­ளின் மதிப்பை உண­ருங்­கள். நீங்­களும் குறை நிறை உள்ள ஒரு மனி­தர்­தான் என்­பதை உணர்ந்து உங்­கள் மீதுள்ள மதிப்பிற்கு மெருகூட்டுங்கள்.

இத்­த­கைய முயற்­சி­களை மேற்­கொண்­டால் பல கால­மாக நீங்­கள் சந்­தித்­த பிரச்­சி­னை­கள் மாய­மாக மறை­வதை நீங்­கள் பார்க்­க­லாம். யோசித்­துப் பார்த்­தால், இதை­விட என்ன வேண்­டும் நமக்கு...

- psychcentral.com என்ற மன­ந­லம் தொடர்­பான இணை­யத்­த­ளத்­தில் வெளி­யான கட்­டு­ரை­யின் சுருக்கம் இது.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!