எங்கிருந்தும் வேலை: வழிகாட்டும் கோஸ்டா ரிக்கா

கொவிட்-19 கொள்­ளை­நோய்ப் பர­வல் தலை­தூக்­கி­ய­தி­லி­ருந்து வீட்­டில் இருந்­த­படி வேலை செய்­யும் முறையை உல­கின் பல நிறு­வ­னங்­கள் பின்­பற்றி­யுள்­ளன. அதை­யும் தாண்டி ஊழி­யர்­கள் தங்­க­ளின் விருப்­பத்­திற்­கேற்ப உல­கின் எந்த மூலை­யி­லி­ருந்­தும் மெய்­நி­க­ரில் வேலை செய்­வ­தற்­கான வழி­யும் அண்­மைக் கால­மா­கப் பிறந்­துள்­ளது.

இதற்கு வகை­செய்­யும் 'டிஜிட்­டல் நோமெட் விசா' எனும் மின்­னி­லக்க நாடோடி விசாவை வழங்­கும் நாடு­களில் ஒன்று கோஸ்டா ரிக்கா. இது, வட அமெ­ரிக்க கண்­டத்­தின் ஒரு பகு­தி­யான மத்­திய அமெ­ரிக்­கா­வில் இருக்­கிறது.

இந்த விசா­விற்­குத் தகு­தி­பெற ஓர் ஊழி­யர் வெளி­நாட்டு நிறு­வ­னம் ஒன்­றில் வேலை செய்­ய­வேண்­டும், அவ­ரின் மாதச் சம்­ப­ளம் குறைந்­த­பட்­சம் 3,000 டால­ராக இருக்­க­வேண்­டும். அவர் தனது குடும்­பத்­தா­ரை­யும் இந்­நாட்­டிற்கு அழைத்­துவர விரும்­பி­னால் குறைந்­த­பட்ச சம்­ப­ளம் 5,000ஆக உய­ரும்.

இந்த நிபந்­த­னை­க­ளைப் பூர்த்­தி­செய்­தால் ஒரு­வர் ஓராண்­டுக்கு எழில் கொஞ்­சும் கோஸ்டா ரிக்­கா­வில் வாழ்ந்­த­படி வேலை செய்­ய­லாம். இந்த ஏற்­பாட்டை மேலும் ஓராண்­டுக்கு நீட்­டிக்­க­வும் முடியும்.

இந்தோனீசியா, எஸ்டோனியா, ஜியார்ஜியா உள்ளிட்ட நாடுகளும் இந்த விசாவை வழங்குகின்றன. ஒருகாலத்தில் பலருக்குக் கனவாக மட்டுமே இருந்த இந்த வசதி கொள்ளைநோய்ப் பரவலால் யதார்த்தத்திற்கு அறிமுகமாகியுள்ளது.