கொள்ளைநோய்ப் பரவலுக்குப் பின்பும் தழைக்குமா 'ஸூம்'

கொவிட்-19 கொள்­ளை­நோய்ப் பர­வல் கார­ண­மாக 2020ஆம் ஆண்­டில் உல­கம் கிட்­டத்­தட்ட முழு­மை­யா­கவே முடங்­கிப்­போ­னது. அப்­போது நிறு­வ­னங்­கள் மெய்­நி­க­ரில் சந்திப்பு­களை நடத்த வகை­செய்­யும் 'ஸூம்' செயலி எதிர்­பாரா வகை­யில் பிர­ப­ல­ம­டைந்­தது. அந்­நி­று­வ­னத்­தின் வர்த்­த­கம் சூடு­பிடித்தது.

சென்ற ஆண்டு ஜூலை மாதம் நிறை­வ­டைந்த காலாண்­டில் 'ஸூமின்' வரு­வாய் 54 விழுக்­காடு அமோக வளர்ச்சி கண்டு ஒரு பில்­லி­யன் டால­ரா­கப் பதி­வா­னது. எனி­னும், இவ்­வாண்டு ஏப்­ரல் மாதம் வரை­யிலான கால­கட்­டத்­தில் அதன் வளர்ச்சி 12 விழுக்­காடு குறைந்­தது.

'ஸூமின்' வாடிக்­கை­யா­ளர்­களில் பெரும்பாலோர் சிறிய வர்த்தகங்கள். கொள்ளை­நோய்ப் பர­வ­லி­லி­ருந்து உல­கம் மீண்டுவந்­து­கொண்­டி­ருக்­கும் இவ்­வே­ளை­யில் அத்­த­கைய வாடிக்­கை­யா­ளர்­க­ளின் எண்­ணிக்­கை­யில் அதிக மாற்­றம் இருக்­காது என்று நிதித் துறை கவ­னிப்­பா­ளர்­கள் சிலர் கணித்­துள்­ள­னர்.

எனி­னும், செயற்கை நுண்ணறிவு அம்சங்கள் போன்ற மாறுபட்ட சேவைகள் வழங்குவது உள்ளிட்ட நடவடிக்கைகளின் மூலம் கூடுதலானோர் வேலையிடங்களுக்குத் திரும்பினாலும் 'ஸூம்' தழைக்கும் என்று அந்நிறுவனத்தின் மூத்த அதிகாரிகள் சிலர் கூறியதாக புளூம்பர்க் செய்தி நிறுவனம் குறிப்பிட்டது. 4,000க்கும் அதிகமான புதிய ஊழியர்களை வேலைக்கு எடுக்கவும் 'ஸூம்' திட்டமிட்டுள்ளது.