மாணவர் முரசு
இ-பேப்பர்
சதுரங்க ஆட்டத்தில் ஏழு வயது சிறுவனின் விரலை இயந்திர மனிதன் உடைத்தது. இயந்திர மனிதன், சிறுவனுடன் அந்த ஆட்டத்தில் போட்டியிட்டது.
ரஷ்ய தலைநகர் மாஸ்கோவில் நடைபெற்ற சதுரங்கப் போட்டியில் இச்சம்பவம் நிகழ்ந்தது.
சதுரங்க ஆட்டத்தில் இயந்திர மனிதன் தனது அடுத்த அடியை எடுத்து வைப்பதற்கு சிறுவன் போதுமான நேரம் வழங்கவில்லை. அதற்குப் பதிலடியாக இயந்திர மனிதன் சிறுவனின் விரலை உடைத்தது.
இந்தக் காட்சி பதிவான காணொளி சமூக வலைத்தளங்களில் அதிகம் பகிரப்பட்டது. சிறுவன் நலமாக இருப்பதாகவும் அவரின் விரல் எலும்பு உடைந்ததாகவும் ரஷ்ய சதுரங்கச் சம்மேளனத்தின் துணைத் தலைவர் அந்நாட்டு அரசாங்கத்திற்குச் சொந்தமான 'ஆர்ஐஏ நொவொஸ்டி'யிடம் தெரிவித்தார்.
விரல் உடைந்த சிறுவனின் பெயர் கிரிஸ்டஃபர் என்றும் அவர் ரஷ்யாவின் ஒன்பது வயதுக்கு உட்பட்ட ஆகச் சிறந்த சதுரங்க வீரர்களில் ஒருவர் என்றும் தெரிவிக்கப்பட்டது.