மின்காற்பந்தாட்டத்தில் சிங்கப்பூர் குழு

அம்­ரான் கனி பின் முசா பக்­க­ருக்கு வயது 28.

கடல்­து­றை­யில் பணி­பு­ரி­யும் இவர் ஒரு மின்­காற்­பந்­து விளையாட்டாளர்.

டென்­மார்க்­கின் கோபன்­ஹே­கன் நக­ரில் இம்­மா­தம் 20ஆம் தேதி முதல் 23ஆம் தேதி வரை நடை­பெற்ற மின் 'ஃபிஃபா' உல­கக் கோப்­பைக்­கான போட்­டி­யில் சிங்­கப்­பூ­ரைப் பிர­தி­நி­தித்த 'டீம் ஃபிளாஷ்' குழு­வி­ன­ரில் இவ­ரும் ஒரு­வர்.

இத்­த­கைய உலக மேடை­யில் சிங்­கப்­பூ­ரைப் பிர­தி­நி­தித்­தது தனக்­குப் பெருமை அளித்­த­தா­கக் கூறும் அம்­ரான், தலை­சி­றந்த விளை­யாட்­டா­ளர்­க­ளு­டன் போட்­டி­யி­டும் வாய்ப்பு கிடைத்­தது குறித்து மகிழ்ச்சி தெரி­வித்­தார்.

சிறு வய­தில் காற்­பந்­தாட்­டத்­தின் மீது ஏற்­பட்ட நாட்­டம், மெல்ல மெல்ல மின்காற்­பந்­தாட்­டத்­தின் மீது திரும்­பி­ய­தா­கக் கூறும் இவர், தனது 16ஆம் வய­தில் இருந்து இந்த விளை­யாட்­டில் ஈடு­ப­டு­கி­றார்.

காற்­பந்­தாட்­டத்­து­டன் ஒப்­பி­டு­கை­யில் மின்­காற்­பந்­தாட்­டம் சற்று மாறு­பட்­டது. காற்­பந்­தாட்­டத்­தில் பந்தை உதைப்­பது, ஓடு­வது எனக் கால்­க­ளுக்கு நிறைய வேலை.

ஆனால் இதில், கை-கண் ஒருங்­கி­ணைப்பு சீராக இருப்­பது மிக முக்­கி­யம். சித­றாத கவ­னம், திட­மான மனம் இரண்­டும் இதற்கு அவ­சி­ய­மென்­கி­றார் இவர்.

தகு­திச் சுற்று ஆட்­டங்­களில் வெற்­றி­பெற்று இம்­முறை 24 நாடு­கள் இறு­திச் சுற்­றில் போட்­டி­யிட்­டன. சிங்­கப்­பூர் 17ஆம் இடத்­தைப் பிடித்­தது.

இது எதிர்­பார்த்த முடி­வு இல்லை என்றாலும், தொடர்ந்து திறன்­களை மேம்­ப­டுத்­திக்­கொண்டு அடுத்­த­முறை உல­கக் கிண்ணப் போட்­டி­யில் சிறப்­பாக விளை­யா­டு­வ­தைக் குறிக்­கோ­ளா­கக் கொண்­டுள்­ளார் அம்­ரான். முனைப்­பு­டன் விளை­யாடி வெற்­றிக்­க­னி­யைச் சுவைப்­ப­தில் தங்­கள் அணி கவ­னம் செலுத்­தும் என்­றார் இவர்.

'டீம் ஃபிளாஷ்' குழுவினருடன் மின்காற்பந்து ஆட்டக்காரர் அம்ரான் (முன்னால்).

படம்: டீம் ஃபிளாஷ்