முழுவதுமாக அள்ளிய இந்தியா

ஹராரே: ஸிம்­பாப்வே சுற்­றுப்­ப­ய­ணம் மேற்­கொண்ட இந்­திய கிரிக்­கெட் அணி, அந்­நாட்டு அணிக்­கு எ­தி­ரான மூன்று ஒரு­நாள் போட்டி­களி­லும் வெற்­றி­ பெற்று, 3-0 என்ற கணக்­கில் தொடரை முழு­மை­யா­கக் கைப்­பற்­றி­யது.

முத­லிரு போட்­டி­களில் இரண்­டா­வ­தா­கப் பந்­த­டித்த லோகேஷ் ராகுல் தலை­மை­யி­லான இந்­திய அணி, நேற்று முன்­தி­னம் நடந்த கடை­சி, 3வது போட்­டி­யில் முத­லில் பந்தடித்தது.

ராகுல் (30)-தவான் (40) இணை சிறப்­பான தொடக்­கம் அமைத்­துத் தந்­த­னர். ராகுல் ஆட்­ட­மி­ழந்­த­பின் கள­மி­றங்­கிய இளம் வீரர் ஷுப்­மன் கில் முத­லி­லி­ருந்தே அதி­ர­டி­யாக ஆடி­னார். 82 பந்­து­களில் சத­ம­டித்த இவர், 130 ஓட்­டங்­க­ளைக் குவித்து ஆட்­ட­மி­ழந்­தார். இஷான் கிஷன் 50 ஓட்­டங்­களை எடுத்­தார்.

இறு­தி­யில் இந்­திய அணி 50 ஓவர்­களில் எட்டு விக்­கெட் இழப்­பிற்கு 289 ஓட்­டங்­க­ளைச் சேர்த்­தது.

இலக்கை விரட்­டிய ஸிம்­பாப்வே அணி­யில் ஒரு­பக்­கம் விக்­கெட்­டு­கள் மள­ம­ள­வென விழுந்­த­போ­தும் சிக்­கந்­தர் ரஸா பொறுப்­பு­ட­னும் அதி­ர­டி­யா­க­வும் ஆடி, இந்­தி­யப் பந்­து­வீச்­சா­ளர்­க­ளுக்­குச் சவா­லா­கத் திகழ்ந்­தார். ஒன்­பது பந்­து­கள் எஞ்­சி­யி­ருந்த நிலை­யில் அவர் 110 ஓட்­டங்­களில் ஆட்­ட­மி­ழக்க, ஸிம்­பாப்வே அணியின் வெற்­றிக் கன­வும் கலைந்­தது.

இறுதியில் அவ்வணி 276 ஓட்டங்களுக்கு ஆட்டமிழந்து, 13 ஓட்டங்களில் தோற்றுப்போனது.