வானிலை மாற்றமும் வாட்டும் வறட்சியும்

சீனா­வில் ஆறு­கள், கிளை நதி­கள், ஏரி­கள் பல­வற்­றி­லும் நீரின் அளவு முன்­னெப்­போ­தும் இல்­லாத அள­விற்­குக் குறைந்­துள்­ளது. ஆற்­றுப்­படு­கை­கள், அவற்­றில் உள்ள பாறை­கள், ஆற்­றில் மூழ்­கி­யி­ருந்த சில நூறு ஆண்­டு­க­ளுக்கு முந்­தைய கற்­சி­லை­கள் எனப் பல­வும் புலப்­ப­டு­கின்­றன.

யாங்ச ஆற்­றி­லும் அதன் நீரோட்­டத்­தால் நிரம்­பிய டோங்­டிங் போன்ற பாசன ஏரி­க­ளி­லும் நீர் வற்றி நிலப்­பரப்பே பெரும்­பா­லும் காட்­சி­அளிக்கிறது.

பல பகு­தி­களில் காட்­டுத் தீச்­சம்­ப­வங்­கள், 45 டிகிரி செல்­சி­ய­சுக்­கும் அதி­க­மான வெப்­ப­நிலை ஆகி­யவை குறித்து எச்­ச­ரிக்கை விடுக்­கப்­பட்­டுள்­ளது. மின் உற்­பத்தி பாதிக்­கப்­பட்டு மின்­சா­ரத் தடை­யைத் தவிர்க்­கும் நட­வ­டிக்­கை­கள் மேற்­கொள்­ளப்­ப­டு­கின்­றன.

பிரான்­சில் 1958ல் வானிலை நிகழ்­வு­க­ளின் பதிவு தொடங்­கிய காலத்­தில் இருந்து ஆக மோச­மான வறட்சி நில­வு­கிறது. வடக்கு இத்­தா­லி­யில் 70 ஆண்டு காணாத வறட்சி. அமெ­ரிக்­கா­வில் 43 விழுக்­காட்டு மாநி­லங்­களில் வறட்சி என்று எங்கு பார்த்­தா­லும் தண்­ணீர்த் தட்­டுப்­பாட்­டின் அவ­லக் குரல்­கள் ஒலிக்­கின்­றன. பொது­வில் ஐரோப்­பா­வில் 500 ஆண்­டில் இல்­லாத அளவு மோச­மான வறட்சி நில­வு­வதாக ஐரோப்­பிய ஒன்­றி­யத்­தின் கூட்டு ஆய்வு நிலை­யம் கூறி­யி­ருக்­கிறது.

இத்­தா­லி­யின் ஆகப் பெரிய நதி­யான போ, முக்கியமாக போக்குவரத்து நீர்ப் பாதையாக வர­லாற்­றின் ஏடு­களில் குறிப்­பி­டப்­பட்­டுள்­ளது. ஆறு­க­ளின் அர­சன் எனப்­படும் இந்த நதி­யில் இப்­போது கடும் வறட்­சி­யால் நீரின் அளவு மிக­வும் குறைந்­துள்­ளது. இரண்­டாம் உல­கப் போரின்­போது வீசப்­பட்ட வெடி­குண்­டு­கள் ஆற்­றுப்­ப­டு­கை­யில் காணப்­ப­டு­கின்­றன. கிட்­டத்­தட்ட 17 மில்­லி­யன் பேர் இந்த ஆற்­றின் கரை­யோ­ரத்­தில் வசிக்­கின்­ற­னர். நாட்­டின் கால்­ந­டை­களில் பாதிக்­கும் மேல் இதைச் சுற்­றி­யுள்ள வட்­டா­ரங்­களில் பேணப்­ப­டு­கின்­றன.

மிக மோச­மான வறட்­சியை முன்­னிட்டு இத்­தா­லிய அர­சாங்­கம் சென்ற மாதம் ஐந்து வட்­டா­ரங்­களில் நெருக்­கடி நிலையை அறி­வித்­தது.

மழை­யின் அளவு குறைந்­த­தும் உலக வெப்­ப­நிலை உயர்ந்து வரு­வதும் இதற்­கான முக்­கி­யக் கார­ணங்­கள் என்று கரு­தப்­ப­டு­கிறது. இது பரு­வ­நிலை மாற்­றத்­தின் தாக்­கம் என்­ப­தில் சந்­தே­கம் இல்லை என்று இத்­தா­லி­யப் பிர­த­மர் கூறி­ உள்­ளார்.

அண்டை நாடான பிரான்­சின் பெரும்­பா­லான பகு­தி­களில் தண்­ணீர்ப் பற்­றாக்­குறை. சோள விளைச்­சல் சென்ற ஆண்­டைக் காட்­டி­லும் 20 விழுக்­காடு குறை­யும் என்று முன்­னு­ரைக்­கப்­பட்­டுள்­ளது.

போலந்­தில் ஏறக்­கு­றைய 99 விழுக்­காட்­டுப் பகு­தி­களில் கடு­மை­யான வறட்சி வாட்­டு­கிறது. ருமே­னி­யா­வின் முக்­கால்­வா­சிப் பகு­தி­யில் வறட்சி.

இங்­கி­லாந்­தில் 2025க்குள் சில ஆறு­களில் கோடைக்­கா­லங்­களில் நீரின் அளவு 80 விழுக்­காடு குறை­யக்­கூ­டும் என்­றும் வெப்­ப­நிலை 7 டிகிரி செல்­சி­யஸ் அதி­க­ரிக்­கும் என்­றும் ஆய்­வா­ளர்­கள் கூறு­கின்­ற­னர். ஆப்­பி­ரிக்­கா­வி­லும் வறட்சி தலை­வி­ரித்­தா­டு­கிறது. இத­னால் எத்­தி­யோப்­பியா, சோமா­லியா, கென்­யா­வின் சில பகு­தி­கள் ஆகி­ய­வற்­றில் 18 மில்­லி­ய­னுக்­கும் மேற்­பட்­டோர் கடும் பட்­டி­னி­யால் வாடு­கின்­ற­னர்.

உல­கின் பல பகு­தி­க­ளை­யும் வாட்­டும் வறட்­சி­யால் தண்­ணீர்த் தட்­டுப்­பாடு மட்­டு­மின்றி நீர்­வ­ழிப் போக்­கு­வ­ரத்து, நீர் மின்­சார உற்­பத்தி, பயிர் விளைச்­சல் போன்­ற­வை­யும் பாதிக்­கப்­ப­டு­கின்­றன.

உல­கில் 2000ஆம் ஆண்­டுக்­குப் பிறகு வறட்சி ஏற்­படும் இடை­வெளி­யும் அது நீடிக்­கும் கால­கட்­ட­மும் ஏறத்­தாழ மூன்­றில் ஒரு பங்கு அதி­க­ரித்­தி­ருப்­ப­தாக ஐக்­கிய நாட்டு நிறு­வன அறிக்கை தெரி­விக்­கிறது.

உல­கெங்­கும் 229 மில்­லி­யன் ஏக்­கர் விளை­நி­லங்­களில் உள்ள பயிர்­களும் 130 மில்­லி­யன் மக்­களும் வறட்­சியை எதிர்­கொள்­வ­தாக மதிப்­ப­டப்­பட்­டுள்­ளது.

பரு­வ­நிலை மாற்­றத்­தின் விளை­வு­க­ளைத் தணிக்­கும் நட­வ­டிக்­கை­களை அதி­க­ரிப்­பதே இதற்­கான தீர்வு. இதேநிலை தொடர்ந்­தால் 2050க்குள் உல­கின் முக்­கால்­வாசிப் பகு­தி­கள் வறட்­சி­யால் வாட நேரி­டும் என்று ஐக்­கிய நாட்டு நிறு­வனம் எச்­ச­ரித்­துள்­ளது.