அதிக கோல்: முதலிடத்திற்குக் குறிவைக்கும் கேன்

நாட்­டிங்­ஹம்­ஷி­யர்: இங்­கி­லிஷ் பிரி­மி­யர் லீக் காற்­பந்­தில் அதிக கோல­டித்­த­வர்­கள் பட்­டி­ய­லில் முத­லி­டத்­திற்­குக் குறி­வைத்­துள்­ளார் டோட்­டன்­ஹம் ஹாட்ஸ்­பர் குழு­விற்­காக விளை­யா­டி­வ­ரும் நட்­சத்­திர ஆட்­டக்­கா­ரர் ஹேரி கேன்.

நாட்­டிங்­ஹம் ஃபாரஸ்ட் குழு­விற்கு எதி­ராக நேற்று முன்தினம் இரவு நடந்த ஆட்­டத்­தில் ஸ்பர்ஸ் குழு 2-0 என்ற கோல் கணக்­கில் வெற்­றி­பெற்­றது. அந்த இரண்டு கோல்­க­ளை­யும் கேன்தான் போட்­டார்.

இதன்மூலம் பிரிமியர் லீக்கில் இவரது கோல் எண்ணிக்கை 187ஆக உயர்ந்தது. 29 வயதான கேன், இப்போது பிரிமியர் லீக்கில் அதிக கோலடித்தோர் பட்டியலில் மூன்றாமிடத்தில் இருக்கிறார்.

ஆலன் ஷியரர் (260), வெய்ன் ரூனி (208) இருவரும் முறையே முதலிரு இடங்களில் உள்ளனர்.

"முத­லி­டம் வெகு­தொ­லை­வில் உள்­ளது. ஆனா­லும், நான் இன்­னும் நல்ல உடல்­த­கு­தி­யு­டன் இருப்­ப­தாக உணர்­வ­தால், என்­னால் இன்­னும் பல ஆண்­டு­க­ளுக்கு விளை­யாட முடி­யும் என நினைக்­கி­றேன். அத­னால் இன்­னும் சிறப்­பாக விளை­யாடி, கோல் பட்­டி­ய­லில் மேலும் முன்­னேற முயல்­வேன்," என்­றார் கேன்.

லீக் போட்­டி­களில் ஒரே குழு­விற்­காக அதிக கோல்­க­ளைப் போட்டவர்கள் பட்­டி­ய­லில் முத­லி­டத்­தில் இருந்த செர்­ஜியோ அகு­வே­ரோவை (184) கடந்த வாரம் கேன் பின்­னுக்­குத் தள்­ளி­யது குறிப்­பி­டத்­தக்­கது.

நடப்­புப் பரு­வத்­தில் கேன் இது­வரை நான்கு ஆட்­டங்­களில் நான்கு கோல்­களை அடித்­துள்­ளார்.

இத­னி­டையே, நாட்­டிங்­ஹம் ஃபாரஸ்ட் குழுவை வீழ்த்­தி­ய­தன்­மூ­லம் புள்­ளிப் பட்­டி­ய­லில் மூன்­றா­மி­டத்­திற்கு முன்­னே­றி­யுள்­ளது ஸ்பர்ஸ் குழு. 2009-10 பரு­வத்­திற்­குப் பிறகு இதுவே அக்குழு­வின் ஆகச் சிறந்த தொடக்­கம். இத­னை­ய­டுத்து, இப்­ப­ரு­வத்­தில் அக்­குழு மேலும் முன்­னே­றிச் செல்ல கேனின் செயல்­பாடு மிக முக்­கி­ய­மா­ன­தா­கப் பார்க்­கப்­ப­டு­கிறது.

ஸ்பர்ஸ் நிர்வாகி கோன்டேயின் கருத்தும் இதையே எதிரொலித்தது.

"ஆட்­டத்­தின் எந்­த­வொரு நேரத்­தி­லும் அவரே எங்­க­ளின் மையப்­புள்­ளி­யா­கத் திகழ்­கி­றார். அவ­ரது செயல்­பாடு எனக்கு மகிழ்ச்சி தரு­கிறது," என்­றார் கோன்டே.