மாணவர் முரசு
இ-பேப்பர்
காஸா: பாலஸ்தீனத்தின் காஸாபகுதியில் உள்ள புதிய கஃபே உணவகத்தில் எப்போதும் நல்ல கூட்டம். பரபரப்புடன் காணப்படும் அந்த உணவகத்தின் உரிமையாளர் ஒரு பெண். அதன் ஊழியர்களும் வாடிக்கையாளர்களும் பெண்கள்தான்.
'சபாயா விஐபி' எனும் அந்த உணவகத்தை அமினா அல் ஹயாக் என்பவர் ஒரு மாதமாக நடத்தி வருகிறார். சமையல் நிபுணராக வேண்டும் என்ற நோக்கத்தில் ஹோட்டலில் இலவசமாக வேலை செய்து தொழிலைக் கற்றார்.
அந்த ஹோட்டலில் சமையல் நிபுணர்களுக்கு தேவை இருந்தபோதும், திருவாட்டி அமினாவுக்கு வாய்ப்பு தரப்படவில்லை. தங்களுக்கு ஆண் ஊழியர்கள் மட்டுமே வேண்டும் என்றும் பெண்களுக்கு இடமில்லை என்றும் ஹோட்டல் நிர்வாகம் கூறிவிட்டது.
மனந்தளராத அமினா சொந்த மாக உணவகத்தைத் திறந்து பலருக்கும் வேலை தந்தார். எட்டு பெண்களை வேலையில் சேர்த்தார்.
வேறு சில பெண்களும் உணவகத்துக்குச் சமைத்துத் தருகின்றனர். வேலையின்மை அதிகம் உள்ள காஸாவில் வேலை வாய்ப்புகளை உருவாக்கியதில் மகிழ்வதாக அமினா கூறினார்.
அத்துடன், காஸாவில் பெண் களுக்கான பாதுகாப்பான பொழுது போக்குத் தலங்கள், உணவகங்கள் இல்லை எனும் குறைக்கு உணவகம் தீர்வாக அமைந்துள்ளது.