மாணவர் முரசு
இ-பேப்பர்
அமெரிக்க விண்வெளி நிறுவனமான நாசா, 'டைமார்ஃபோஸ்' எனும் சிறுகோள்மீது விண்கலத்தை வெற்றிகரமாக மோதச்செய்து அதை திசைதிருப்பி, சாதனை படைத்துள்ளது.
சிங்கப்பூர் நேரப்படி நேற்றுக் காலை ஏழு மணியளவில் சிறுகோள்மீது நாசாவின் 'டார்ட்' விண்கலம் வெற்றிகரமாக மோதி அதைத் திசைதிருப்பியது.
பூமியிலிருந்து 11 மில்லியன் கி.மீ. தொலைவில் உள்ள அந்தச் சிறுகோள் ஒரு காற்பந்து அரங்கத்தின் அளவைக் கொண்டது. அதனால் பூமிக்கு ஆபத்து ஏற்படும் என்று கருதப்படாவிட்டாலும் சோதனை முயற்சியாக அதனை விண்கலத்தால் மோதி திசைதிருப்ப முயற்சி மேற்கொள்ளப்பட்டது.
எதிர்காலத்தில் ஆபத்தான விண்கற்களின் மோதலில் இருந்து பூமியைத் தற்காத்துக்கொள்ளும் உத்தியை வகுக்க இது உதவும் என்று கருதப்படுகிறது.
இதனை முன்னிட்டு, ஏறக்குறைய பத்து மாதங்களுக்கு முன்னர் 'டார்ட்' விண்கலம் விண்ணில் செலுத்தப்பட்டது.
இந்தத் திட்டத்தின்கீழ், ஆயிரத்துக்கும் மேற்பட்ட விஞ்ஞானிகள், ஏறக்குறைய ஏழு ஆண்டுகள் பணியாற்றிவந்துள்ளனர்.
இந்தச் சாதனை மனிதகுல வரலாற்றில் ஒரு மைல்கல்லாகக் கருதத் தக்கது என்பதை நாசா சுட்டியது.