வாடகைத் தாய் மூலம் குழந்தை பெறுவதில் சில சிக்கல்கள்

பெண் மலட்­டுத்­தன்மை, கருப்பை இல்­லாமை, கரு வள­ரு­வ­தில் சிக்­கல், பெண் உறுப்பு வளர்ச்­சி­யின்மை, அடிக்­கடி கருச்­சி­தைவு கொண்­டி­ருக்­கும் பெண்­கள் போன்­றோ­ருக்கு வாட­கைத்­தாய் சிறந்த தீர்­வாக இருக்­கும் என்­ப­தில் மாற்­றுக்­க­ருத்து இல்லை.

ஆனால் சில சிக்­கல்­கள் இருப்­ப­தை­யும் கவ­னத்­தில் கொள்ள வேண்­டும் என்று மருத்­து­வர் டி.கே. காம­ராஜ் கூறி­யி­ருப்­ப­தாக 'சம­யம்' இணை­யச் சஞ்­சிகை வெளி­யிட்ட தக­வல் தெரி­விக்­கிறது.

இந்­தி­யா­வில் வாட­கைத்­தாய் குறித்து சர்ச்­சை­கள் வெடித்­த­போது பல குழப்­பங்­கள் ஏற்­பட்­டன. அப்­போது, சட்­டம் நுழைந்து வாட­கைத்­தாயை வியா­பார நோக்­கத்­தில் செய்­ய­க் கூ­டாது என்று தடை விதித்­தது. இன்­னும் சில சட்­டங்­ களும் விதிக்­கப்­பட்­டன.

அதன்­படி வெளி­நாட்­டி­ன­ருக்கு வாட­கைத்­தாய் சிகிச்சை இங்கு செய்­யக்கூடாது.

பெண் குழந்தை பெற்­றுக் கொள்ள தகு­தி­யி­ருக்­கும் பட்­சத்­தில் அவ­ருக்கு வாட­கைத்­தாய் மூலம் குழந்தை பெற்­றுத்­தர சிகிச்சை செய்­யக்­கூ­டாது.

வாட­கைத்­தாய் மூலம் குழந்தை சுமக்­கும் பெண்­கள் அவர்­க­ளது இரத்த சம்­பந்­த­மா­கவோ உற­வி­னா­ரா­கவோ இருக்க வேண்­டும் என்­றும் கூறப்­ப­டு­கிறது.

ஆரோக்­கி­ய­மான கரு­முட்­டையை­யும் ஆரோக்­கி­ய­மான விந்­த­ணு­வையும் இணைத்து ஒரு பெண்­ணின் கருப்­பை­யில் பொருத்தி கருவை வள­ர­வி­டும் நிலை­யில் கரு­வின் ஆரோக்­கி­ய வளர்ச்சி என்­பது குழந்­தையைச் சுமக்­கும் பெண்­ணி­டம் தான் உண்டு.

கர்ப்­பி­ணி­க­ளுக்கு உரிய ஊட்­டச் சத்­துக்­கள் குறை­பா­டில்­லா­மல் இருக்க வேண்­டும்.

கர்ப்­ப­கால உண­வு­கள் குறிப்­பாக கரு­வின் வளர்ச்­சிக்கு உத­வும் உண­வு­கள் கர்­ப்பி­ணி­க­ளுக்கு தேவைப்­படும்.

அதை தவிர்க்­கும்­போது அது குழந்­தை­யின் ஆரோக்­கி­யத்­தில் பாதிப்பை உண்டு செய்­ய­லாம்.

வாட­கைத்­தா­யாக தேர்வு செய்­யும் பெண்­ணின் உடல் ஆரோக்­கி­யம் குறித்து முழுப் பரி­சோ­தனை செய்­வார்­கள் என்­றா­லும் கர்ப்ப காலத்­தில் அப்­பெண்­ணுக்கு ஏதே­னும் நோய்த்­தொற்று வந்­தால் கர்ப்­ப­கால நோய் பாதிப்பு வந்­தால் அதை அலட்­சி­யம் செய்­யும்­போது அல்­லது கவ­னிக்­கா­த­போது அதை குழந்­தையை பாதிக்­கச்செய்­யும்.

கர்ப்­ப­கால நீரி­ழிவு, கர்ப்­ப­கால உயர் ரத்த அழுத்­தம், காச நோய், பால்­வினை நோய் போன்­றவை கூட குழந்­தைக்குப் பாதிப்பை ஏற்­ப­டுத்த லாம்.

குழந்­தை­யின் மர­பணு உண்­மை­யான தாய் தந்­தையை ஒத்து இருக்­கும் என்­ப­தில் மாற்­ற­மில்லை. ஆனால் குழந்­தை­யின் மன ஆரோக்­கி­யம் என்­பது வயிற்­றில் சுமக்­கும் பெண்ணை ஒத்து இருக்­கக்­கூ­டும்.

வாட­கைத்­தாய் பெண் மன­ரீ­தி­யாக அழுத்­தத்தை சந்­தித்­தால் அது குழந்­தை­யின் ஆரோக்­கி­யத்தைப் பாதிக்­க­லாம்.

வாட­கைத்­தாய் வயிற்­றில் வள­ரும் குழந்தை உடல் ரீதி­யாக ஏதே­னும் குறை­பாடு இருந்­தால் அந்தக் குழந்­தையை வளர்க்க குழந்­தைக்­கு­ரி­ய­வ­ரும், குழந்­தையைச் சுமந்­த ­வ­ரும் முன்­வர தயங்­கு­வார்­கள். இந்­நி­லை­யில் அந்த குழந்தை தனித்து விடப்­பட வாய்ப்­புள்­ளது.

வாட­கைத்­தாய் என்­ப­வள் கருவைச் சுமந்து பெற்­றெ­டுத்து கையில் கொடுத்­து­வி­டு­வ­தோடு சரி. அதன்­பி­றகு அவ­ருக்­கும் அந்த குழந்­தைக்­கும் எவ்­வித உரி­மை­யும் கிடை­யாது.

எனி­னும் சம­யங்­களில் சில பெண்­கள் குழந்­தையைத் தர மறுப் பார்­கள் அல்­லது வளர்ந்த பிறகு அக்­கு­ழந்­தையை உரிமை கோரி பிரச்­சினை செய்­வார்­கள்.

அத­னால்­தான் கருவைச் சுமக்­கும் பெண்­ணுக்­கும், குழந்­தை­யின் உரி­மையைக் கொண்ட தம்­பதியருக்­கும் தொடர்பு இல்­லா­மல் இந்த சிகிச்சை செய்­யப்­படும்.

இத்­த­கைய வாட­கைத்­தா­யாக தேர்ந்­தெ­டுக்­கப்­படும் பெண்­களைத் தேர்வு செய்­யும்­போது இரண்டு குழந்­தை­கள் பெற்ற பெண்­ணா­கவே பெரும்­பா­லும் தேர்­வு­செய்ய கார­ண­மும் பெண்­ணுக்கு குழந்தை மீது பற்­று­வ­ரக்­கூ­டாது என்­ப­து­தான்.

குழந்தையைச் சுமக்கும் பெண் தாய்ப்பால் கொடுப்பதன் மூலம் இருவருக்கும் நெருக்கம் உண்டாகி அப்பெண்ணே குழந்தையை வைத்துகொள்ள விரும்பலாம்.

குழந்தையின் உரிமயாளர்கள் விரும்பினால் தாய்ப்பால் கொடுக்க அனுமதிக்கலாம்.

பெரும்பாலும் தம்பதியர் குழந்தைக்கு தாய்ப்பால் கொடுப் பதை அனுமதிப்பதில்லை என்று கூறப்படுகிறது.

அதே சமயத்தில் தாய்ப்பால் குடிக்காமல் வளரும் குழந்தைக்கு எதிர்ப்பு சக்தி குறைவாகவே இருக்கும்.

சரியான ஊட்டமும் சிகிச்சையும் ஆரோக்கியமான வளர்ப்பு முறையும்தான் குழந்தையின் ஆரோக்கியத்தை உறுதி செய்யும்.

(சமயம் தமிழில் எஸ். தனலட்சுமி என்பவர் எழுதிய கட்டுரையின் சுருக்கம்)

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!