மாணவர் முரசு
இ-பேப்பர்
மோனலிசா
தீபாவளி நெருங்கிக்கொண்டிருக்கும் வேளையில் இப்போதே வீட்டை சுத்தம் செய்ய தொடங்கியிருப்போம் நம்மில் பெரும்பாலானோர்.
இரண்டு ஆண்டுகளுக்குப் பிறகு கொவிட்-19 நோய்த்தொற்று கட்டுப்பாடுகள் தளர்த்தப்பட்ட நிலையில் கோலாகலமான கொண்டாட்டத்திற்கு சிங்கப்பூர் தயாராகி வருகிறது.
"ஒவ்வோர் ஆண்டும் தீபாவளிக்கு சில வாரங்களுக்கு முன்பே வீட்டைச் சுத்தம் செய்யத் தொடங்குவோம்.
தேவையில்லாத அதிகம் பயன்படுத்தப்படாத பழைய பொருள்களை அகற்றி பிள்ளைகளுக்கும் வீட்டுக்கும் தேவையான புதிய பொருள்களை வாங்கும் பட்டியலும் தயாரிப்போம்," என்று கூறினார் இல்லத்தரசியான மீனாட்சி வசந்தகுமார், 41.
பெரும்பாலும் நாம் வீட்டைவிட்டு அகற்ற நினைக்கும் பொருள்கள் பழையனவாக இருந்தாலும் பயன்படுத்தக்கூடிய நிலையிலேயே இருக்கும்.
சில பொருள்களை முறையாகப் பழுதுபார்த்தால் பயன்படுத்தக்கூடும்.
அப்படிப்பட்ட பொருள்களை குப்பையில் வீசாமல் அடுத்தவர் பயன்படுத்த கொடுப்பதற்கும் அல்லது மறுசுழற்சிக்காகக் கொடுப்பதற்கும் சில பயனுள்ள துணுக்குகளை கீழே காணலாம்.
பொது நன்கொடைகள்
சால்வேசன் ஆர்மி
'சால்வேசன் ஆர்மி' எனும் தொண்டு நிறுவனத்தின் மூலம் பயன்படுத்தக்கூடிய நிலையில் உள்ள ஆடைகள், மரச்சாமான்கள், வீட்டு உபயோகப் பொருள்கள், மின்சாதனப் பொருள்கள், விளையாட்டுச் சாமான்கள், புத்தகங்கள் ஆகியவற்றை வழங்கலாம்.
இணையத்தள முகவரி : https://www.salvationarmy.org.sg/
'பிலெஸ்ஸிங்ஸ் இன் அ பேக்' என்னும் நிறுவனம் உணவு, புத்தகங்கள், விளையாட்டுச் சாமான்கள் மற்றும் வீட்டு உபயோக சாதனங்கள் உள்ளிட்ட பல பொருள்களை தேவைப்படும் மக்களுக்காக சேகரித்து வருகிறது. முகவரி : 315 Outram Road, #08-06A Tan Boon Liat Building
இணையத்தள முகவரி : blessingsinabag.co/matchmaking-blessings
'சிங்கப்பூர் ஃப்ரீசைக்கிள் நெட்ஒர்க்' எனும் லாப நோக்கமற்ற அடித்தள அமைப்பின் ஃபேஸ்புக் குழுமம் மூலம் கணினிகள், வீட்டு உபயோகப் பொருள்கள், ஆடைகள், புத்தகங்கள் என அனைத்து விதமான பயன்படுத்திய பொருள்களையும் தேவைப்படும் வேறு ஒருவருக்கு கொடுக்கலாம்.
ஃபேஸ்புக் குழுமம் இணையத்தள முகவரி:
https://www.facebook.com/groups/sgfreecycle
மின்சாதனப் பொருள்கள்
வீடமைப்பு வளர்ச்சிக் கழகத்தின் வீடுகளில் குடியிருப்போர், பயன்படுத்தப்பட்ட மின்சாதனப் பொருள்களை நகர மன்றத்தின் மூலம் இலவசமாக வெளியேற்றலாம். அத்துடன் தேசியச் சுற்றுப்புற அமைப்பு தீவு முழுவதிலும் 600க்கும் மேற்பட்ட மின்னணுக் கழிவுகளை சேகரிக்கும் சாவடிகளை நிறுவியுள்ளது. இச்சாவடிகளில் கணினிகள், மடிக்கணினிகள், கைப்பேசிகள், அச்சு இயந்திரங்கள், மின்சார பல்புகள் உள்ளிட்ட பல்வேறு வகையான மின்னணுக் கழிவுகளை அளிக்கலாம்.
புத்தகங்கள்
சிங்கப்பூரின் தேசிய நூலக வாரியத்தில் புத்தகங்களை நன்கொடையாக வழங்கலாம். புத்தகங்கள், புகைப்படங்கள், வரைபடங்கள், ஒலி-ஒளி வழி தகவல் பொருள்கள் உள்ளிட்டவற்றை வழங்கலாம். 20 புத்தகங்களுக்கு கீழ் வழங்க விரும்பினால் கீழுள்ள இணையத்தள முகவரியில் உள்ள இணைய படிவத்தை நிரப்பி சமர்ப்பிக்க வேண்டும். இருபதுக்கும் மேற்பட்ட புத்தகங்களை வழங்க விரும்பினால் நேரடியாக மின்னஞ்சல் மூலம் புத்தகங்கள் பற்றிய விவரங்களைத் தெரிவிக்கலாம். இணையத்தள முகவரி: https://www.nlb.gov.sg/main/partner-us/Donate-to-our-Collections
'டிக்னிட்டி மாமா' என்பது 'ப்ராஜெக்ட் டிக்னிட்டி' என்னும் தொண்டு நிறுவனத்தின் ஒரு திட்டமாகும். நாவல்கள், கேலிச் சித்திர புத்தகங்கள், மாத/வார இதழ்கள் உள்ளிட்ட பல்வேறு வகையான புத்தகங்களை இங்கு நன்கொடையாக அளிக்கலாம்.
இப்புத்தக விற்பனையகங்கள் தேசிய பல்கலைக் கழக மருத்துவமனை, கூ டெக் புவாட் மருத்துவமனை, இங் டெங் ஃபோங் பொது மருத்துவமனை, செங்காங் பொது மருத்துவமனை, சாங்கி பொது மருத்துவமனை ஆகிய மருத்துவமனை வளாகங்களில் அமைந்துள்ளன.
'புக்ஸ் பியாண்ட் பார்டர்ஸ்' எனும் சமூக நிறுவனம் புனைவு மற்றும் புனைவு-அல்லாத பழைய ஆங்கிலப் புத்தகங்களை சேகரித்து வருகிறது. இப்புத்தகங்களின் விற்பனையில் கிடைக்கும் வருமானம், நேப்பாளத்தில் உள்ள கிராமப்புற மாணவர்களின் கல்விக்காக அளிக்கப்படுகிறது. இருபதுக்கும் மேற்பட்ட புத்தகங்கள் இருப்பின் இந்நிறுவனமே நேரில் வந்து புத்தகங்களைப் பெற்றுக்கொள்ளும்.
இணையத்தள முகவரி:
https://www.booksbeyondborders.org/
'ஸ்கூல் காக்கி' எனும் ஃபேஸ்புக் மூலம் பழைய பள்ளிக்கூடப் புத்தகங்கள், பள்ளிச் சீருடைகள், எழுதுபொருள்கள் போன்றவற்றை பிறருடன் இலவசமாகப் பகிர்ந்துகொள்ளலாம்.
ஃபேஸ்புக் குழுமம் இணையத்தள முகவரி:
https://www.facebook.com/groups/schoolkaki/
டெலிகிராம் குழுமம் இணையத்தள முகவரி: https://t.me/joinchat/GrB7yVKV9SCEbQyo6Iidqg
ஆடைகள்
'தி க்ரீன் ஸ்கொயர்' எனும் நிறுவனம் பயன்படுத்தப்பட்ட ஆடைகளை மறுசுழற்சி செய்கிறது. சிங்கப்பூர் முழுவதும் 15க்கும் மேற்பட்ட நிலையங்களைக் கொண்டுள்ளது இந்நிறுவனம்.
இணையத்தள முகவரி: https://www.greensquare.com.sg/dropoff
சிங்கப்பூர் மகளிர் அமைப்புகள் மன்றம் (Singapore Council of Women's Organisations) மூலம் பயன்படுத்தப்பட்ட ஆடைகள், ஆபரணங்கள், காலணிகள், பைகள் ஆகியவற்றை வழங்கலாம்.
இணையத்தள முகவரி : www.scwo.org.sg
மேலும் ஹெச்&எம், ஸாரா, யூனிக்லோ ஆகிய முன்னணி நிறுவனங்கள் ஆடைகள் மறுசுழற்சிக்காக தத்தம் நிறுவன பழைய ஆடைகளை தங்களது விற்பனைக் கிளைகளில் சேகரிக்கின்றன.
உணவு வகைகள்
'வில்லிங் ஹார்ட்ஸ்' என்னும் தொண்டூழிய குழுமம் அன்றாடம் 5,000 சாப்பாடுகளை வயதானவர்கள், இயலாதவர்கள், ஒற்றைப் பெற்றோரின் பிள்ளைகள், வெளிநாட்டு ஊழியர் ஆகியோருக்கு வழங்கி வருகிறது. மளிகைச் சாமான்களை நன்கொடையாக அளிக்க விரும்புபவர்கள் 11 Jalan Ubi Blk 6, #01-51, Kembangan, Chai Chee Community Hub, S409074 என்ற முகவரியில் அதிகாலை 4.30 மணிமுதல் பிற்பகல் 3 மணிவரை பொருள்களை வழங்கலாம்.
'ஃபுட் ஃப்ரம் தி ஹார்ட்' எனும் தொண்டு நிறுவனம் விரைவில் கெட்டுப்போகாத உணவு வகைகளைத் திரட்டுகிறது. இணையத்தள முகவரி: https://www.foodfromtheheart.sg/
'மெட்டா வெல்ஃபேர் அஸோஸியேஷன்' எனும் தொண்டு நிறுவனம் நீண்ட நாள்கள் கெட்டுப்போகாத சைவ மற்றும் ஹலால் செய்யப்பட்ட உணவு வகைகளை நன்கொடையாக பெற்றுக்கொள்ளும்.
இணையத்தள முகவரி: https://www.metta.org.sg/
குழந்தை வளர்ப்புப்
பொருள்கள்
'பேப்ஸ்' எனும் தொண்டு நிறுவனம் பேறுகாலத்திலும் குழந்தை வளர்ப்பிலும் பயன்படுத்தப்பட்ட நல்ல நிலையில் இருக்கும் பொருள்களை நன்கொடையாகப் பெறுகிறது. பதின்ம வயதில் கருவுற்றோர் நெருக்கடிகளைச் சமாளிக்க உதவும் இந்நிறுவனம் குழந்தைகளுக்கான ஆடைகள், டயப்பர்ஸ், ஸ்ட்ரோலர்ஸ் மற்றும் விளையாட்டுப் பொருள்கள், குழந்தைகளுக்கான மெத்தைகள் உள்ளிட்ட பல்வேறு பொருள்களைச் சேகரிக்கிறது.
இணையத்தள முகவரி: babes.org.sg
'பிலெஸ் ஃபார் மம்மிஸ் அண்ட் பேபீஸ்' எனும் ஃபேஸ்புக் குழுமம் மூலம் குழந்தை வளர்ப்பில் பயன்படுத்திய பொருள்களை தேவைப்படும் வேறு ஒருவருக்கு வழங்கலாம். 4,500க்கும் மேற்பட்ட உறுப்பினர்கள் இருக்கும் இக்குழுமத்தில் நீங்கள் கொடுக்க நினைக்கும் பொருளைப் பற்றிய போஸ்ட் போடுவதன் மூலம் தேவைப்படுவோருக்கு உங்கள் பொருள்களை வழங்க முடியும். ஃபேஸ்புக் குழுமம் முகவரி: facebook.com/groups/blessmummiesbabies
'கிளப் ரெயின்போ' எனும் நிறுவனம் பேறுகாலத்திலும் குழந்தை வளர்ப்பிலும் தேவைப்படும் பொருள்களை சேகரிக்கிறது. இந்நிறுவனம் நாள்பட்ட நோயினால் பாதிக்கப்பட்டுள்ள குழந்தைகளுக்கும் அவர்களின் குடும்பத்தாருக்கும் உதவி வருகிறது. டயப்பர்ஸ், பால் மாவு, ஆடைகள், விளையாட்டுப் பொருள்கள் உள்ளிட்ட பல பொருள்களை இங்கு நன்கொடையாக வழங்கலாம்.
இணையத்தள முகவரி: clubrainbow.squarespace.com
காலணிகள்
கால்களுக்குப் பொருந்தாத, அல்லது பிடிக்காத காலணிகள் குறிப்பாக வேகமாக வளரும் பிள்ளைகளின் கால்களுக்குப் பொருந்தாத காலணிகள் அலமாரியை நிரப்பினால் அதனை கீழுள்ள நிறுவனங்களைத் தொடர்புகொண்டு பிறருக்கு வழங்கலாம்.
நிறுவனம் : ActiveSG Circle
இணையத்தள முகவரி:
circle.myactivesg.com/old-shoe-new-future
நிறுவனம்: Soles4Souls
முகவரி: 705 Sims Drive, #02-12, Shun Li Industrial Complex, Singapore 387384.
இணையத்தள முகவரி : www.soles4souls.org
நிறுவனம் : Ten Feet Tall
முகவரி : 211 Holland Avenue, #02-04, Holland Road Shopping Centre, Singapore 278967
இணையத்தள முகவரி : www.tenfeettallshoes.com
மூக்குக் கண்ணாடிகள்
'விசியோ ஆப்டிக்கல்' எனும் தனியார் மூக்குக் கண்ணாடி நிறுவனம் பழைய, புதிய மூக்குக் கண்ணாடிகளையும் வெயிலிலிருந்து பாதுகாக்கும் கண்ணாடிகளையும் சேகரிக்கிறது. பயன்படுத்தப்படாத மூக்குக்கண்ணாடிகள் உங்களிடம் இருந்தால் அவற்றைத் தூக்கி எறிந்துவிடாமல் மற்றவர்கள் பயன்படுத்தக் கொடுங்கள்.
இக்கண்ணாடிகளை வயதானவர்களுக்கும் தேவைப்படுவோருக்கும் முறையான கண் பரிசோதனை செய்த பின்னர் இலவசமாக வழங்குகிறது. கீழுள்ள முகவரிக்கு நேரிலோ அஞ்சல் மூலமோ கண்ணாடிகளை அனுப்பிவைக்கலாம்.
முகவரி: 43 Holland Drive 01-67, Singapore 270043
இதுபோன்ற பல்வேறு நிறுவனங்கள் சுற்றுப்புறச் சூழலைப் பாதுகாக்கும் நோக்கில் சிங்கப்பூர் முழுவதும் பல்வேறு முயற்சிகளில் ஈடுபட்டு வருகின்றன.
இவ்வாண்டின் தீபாவளிப் பண்டிகையை முன்னிட்டு நாம் வீட்டை சுத்தம் செய்யும்போது பழைய, பயன்படுத்தப்பட்ட, நல்ல நிலையில் இருக்கும் பொருள்களை முடிந்தவரை தேவைப்படுவோருக்கு வழங்கி அப்பொருள்களுக்கு புத்துயிர் வழங்க முன்வருவோம்.