கலைப் பொக்கிஷங்களுடன் கவர்ந்திழுக்கும் கண்காட்சி

நம்­மைச் சுற்றி இருக்­கும் பொது இடங்­க­ளி­லும் கலை புகுத்­தப்­ப­ட­லாம் என்­பதை எடுத்­து­ரைப்­ப­தை­யும் அவற்றை பல்­வேறு சமூ­கங்­க­ளைச் சேர்ந்த பொது­மக்­கள் அணு­கக்­கூ­டி­ய­தாக மாற்­று­வ­தை­யும் நோக்­க­மா­கக் கொண்­டுள்­ளது இந்த ஆண்­டின் 'நட்­டாஷா' கண்­காட்சி.

சிங்­கப்­பூர் கலை அரும்­பொ­ரு­ள­கம் ஏற்­பாட்­டில் ஈராண்­டுக்கு ஒரு­முறை நடக்­கும் சிங்­கப்­பூர் கலைக் கண்­காட்­சியை முன்­னிட்டு, சிங்­கப்­பூ­ரின் பல இடங்­களில் இடம்­பெ­ற­வி­ருக்­கும் 'நட்­டாஷா' கண்­காட்சி, நாளை (அக்­டோ­பர் 16) தொடங்கி அடுத்த ஆண்டு மார்ச் 19ஆம் தேதி வரை நீடிக்­கும்.

சிங்­கப்­பூர் தேசிய கலை­மன்­றத்­தால் ஏற்பாடு செய்யப்பட்ட இக்­கண்­காட்சி இம்­முறை கூடு­த­லாக மூன்று இடங்­களில் இடம்­பெ­றும்.

மேலும், தஞ்­சோங் பகார் டிஸ்ட்­ரி­பார்க், செந்­ தோசா கோவ், செயின்ட் ஜான்ஸ் தீவு, லாச­ரஸ் தீவு, யான் கிட் பிளே­ஃபீல்ட், பொது நூல­கங்­கள், அன்­றாட இடங்­கள், பாரம்­ப­ரிய கேலரி அமைப்­பு­கள் ஆகிய இடங்­க­ளோடு, புதி­தாக இண்­டர்­நே­ஷ­னல் பிளாசா, சிங்­கப்­பூர் ராட்­டி­னம், 22 ஆர்ச்­சர்ட் சாலை ஆகி­யனவும் கண்­காட்­சி­யின் கலை அம்சங்களாகச் சேர்க்­கப்­பட்­டுள்­ளன.

"நட்­டா­ஷா­வின் அனு­ப­வத்தை மாறு­பட்­ட­தா­கப் படைக்­க­வும் மக்­கள் தாங்­கள் எதிர்­பா­ராத இடங்­களில் கலையை ரசிக்­க­வும் இந்­தக் கண்­காட்சி ஒரு நல்ல வாய்ப்­பாக அமை­யும். அதோடு, பார்­வை­யா­ளர்­கள் கலை பற்­றிய தங்­கள் சிந்­த­னையை விரி­வு­ப­டுத்­த­வும் வளர்த்­துக்­கொள்­ள­வும் கலையை அவர்­ க­ளது தின­சரி வாழ்க்­கை­யோடு தொடர்­பு­ப்ப­டுத்­திக்­கொள்­ள­வும்­தான் இண்­டர்­நே­ஷ­னல் பிளாசா, சிங்­கப்­பூர் ராட்­டி­னம், 22 ஆர்ச்­சர்ட் சாலை ஆகி­யன கலைக்­கான இடங்­க­ளாக புதி­தாக சேர்க்­கப்­பட்­டுள்­ளன," என்று இணை கலை இயக்­கு­நர்­கள் பின்னா சோய், நிடா கவுஸ், ஜூன் யாப், அலா யூனிஸ் ஆகி­யோர் குறிப்­பிட்­ட­னர்.

செந்­தோசா வளர்ச்­சிக் கழ­கம் மற்­றும் சிங்­கப்­பூர் நில ஆணை­யத்­தின் ஆத­ர­வோடு நடை­பெ­றும் 'நட்­டாஷா' கண்­காட்சி, பார்­வை­யா­ளர்­களை சிங்­கப்­பூ­ரின் கடற்­க­ரை­யைத் தாண்டி தெற்­குத் தீவு­க­ளுக்கு அழைத்­துச் செல்­லும் என்­றும் இயற்கை, சமூக நடை­மு­றை­கள், உற­வு­க­ளு­டன் ஈடு­படும் கலைத் திட்­டங்­கள் போன்­ற­வற்றை பிர­தி­

ப­லிக்­கும் ஆறு வித்­தி­யா­ச­மான படைப்­பு­களை பார்­வை­யா­ளர்­கள் காண­லாம் என்­றும் இணை கலை இயக்­கு­நர்­கள் தெரி­வித்­த­னர்.

அதே­வேளை பார்­வை­யா­ளர்­கள் தஞ்­சோங் பகார் டிஸ்ட்­ரி­பார்க்­கில் மூன்று தலங்­க­ளுக்குச் சென்று சிங்­கப்­பூர், தென்­கி­ழக்கு ஆசியா, ஆசியா-பசி­பிக், மத்­திய கிழக்கு, ஐரோப்பா, அமெ­ரிக்கா ஆகிய பகு­தி­க­ளைச் சேர்ந்த கலை­ஞர்­க­ளின் கைவண்­ணத்­தைக் கண்­டு­க­ளிக்­க­லாம்.

அந்­தந்த சூழல்­க­ளுக்கு ஏற்ப அமைக்­கப்­பட்ட கலைப்­ப­டைப்­பு­கள், காணொ­ளி­கள், பங்­கேற்­புப் பட்­ட­றை­கள் போன்­றவை பார்­வை­யா­ளர்­க­ளுக்கு ஒரு வித்­தி­யா­ச­மான அனு­ப­வ­மாக அமை­யும்.

"தொடக்­கத்­தி­லி­ருந்து, சிங்­கப்­பூர் கலைக் கண்­காட்சி சிங்­கை­யில் உள்ள கலைத்­தி­றன்­களை எடுத்­துக்­காட்­டு­வ­தில் முக்­கிய பங்­க­ளிக்­கிறது. சிங்­கப்­பூர் பார்­வை­யா­ளர்­க­ளின் பொது­வான கலை ஈடு­பாட்­டை­யும் கலை ரச­னை­யை­யும் வளர்ப்­ப­தற்கு ஒரு முக்­கிய தளமாக அமைந்­தி­ருக்­கிறது இக்­கண்­காட்சி," என்று கூறி­னார் சிங்­கப்­பூர் தேசிய கலை­மன்­றத்­தின் துறை மேம்­பாட்­டுத் துணை தலைமை நிர்­வாக அதி­காரி லோ எங் தியோங்.

இந்­தக் கண்­காட்சி 2023ஆம் ஆண்டு முதல் 2027ஆம் ஆண்டு வரை திட்­ட­மி­டப்­பட்­டுள்ள சிங்­கப்­பூர் கலைத் திட்­டத்­திற்கு உதவி கரமாக அமை­யும் என்­றும் தேசிய கலை­மன்­றம் பல நிறு­வ­னங்­க­ளு­ட­னும் அமைப்­பு­க­ளு­ட­னும் ஒருங்­கி­ணைந்து சிங்­கப்­பூர் கலை சமூ­கத்தை வலி­யு­றுத்­தும் என்­றும் அவர் குறிப்­பிட்­டார். கண்­காட்­சி­ பற்றி மேலும் தக­வல் பெற, சிங்­கப்­பூர் கலைக் கண்­காட்­சி­யின் இணை­யத்தளத்­தை­யும் சமூக ஊட­கங்­க­ளை­யும் நாட­லாம்.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!