அதிரவைத்த பிஎஸ்ஜி கூட்டணி

பாரிஸ்: மெஸ்ஸி, நெய்­மார், எம்­பாப்பே ஆகிய மூன்று நட்­சத்­திர ஆட்­டக்­கா­ரர்­க­ளைத் தமது குழு­வில் கொண்­டி­ருப்­பது தான் செய்த நற்­பேறு என்று கூறி­யுள்­ளார் பிரான்­சின் பிஎஸ்ஜி காற்­பந்­துக் குழு­வின் நிர்­வாகி கிறிஸ்­டோஃப் கேல்ட்­டி­யர்.

இஸ்­ரே­லின் மக்­கபி ஹைஃபா குழு­வும் பிஎஸ்­ஜி­யும் மோதிய நேற்­றைய சாம்­பி­யன்ஸ் லீக் ஆட்­டத்­தில் அம்­மூ­வ­ரின் ஆட்­டத்­தைக் கண்­ட­வர்­கள், கேல்ட்­டி­ய­ரின் கூற்று முற்­றி­லும் உண்­மையே என்று ஒத்­துக்­கொண்­டி­ருப்­பர்.

அந்த ஆட்­டத்­தில் மெஸ்ஸி இரு கோல்­களை அடிக்க, பிஎஸ்ஜி 7-2 என்ற கோல் கணக்­கில் எதி­ர­ணி­யைப் புரட்­டி­யெ­டுத்­தது. எம்­பாப்பே இரண்டு கோல்­க­ளை­யும் நெய்­மார் ஒரு கோலை­யும் போட்­ட­னர்.

இந்த வெற்­றி­யின்­மூ­லம் 'எச்' பிரி­வி­லி­ருந்து பிஎஸ்ஜி அடுத்த சுற்­றுக்­குள் அடி­யெ­டுத்து வைத்­தது.

'எஃப்' பிரிவு ஆட்­ட­மொன்­றில், ஜெர்­ம­னி­யின் லைப்­ஸிக் குழு 3-2 என்ற கோல் கணக்­கில் ஸ்பெ­யி­னின் ரியால் மட்­ரிட் குழுவை வீழ்த்தி அதிர்ச்­சி­ய­ளித்­தது. ஆயி­னும், ரியால் குழு காலி­று­திக்கு முந்­திய சுற்­றுக்­கு ஏற்­கெ­னவே தகு­தி­பெற்­று­விட்­டது.