மீண்டும் ரொனால்டோ

மான்­செஸ்­டர்: யூயேஃபா யூரோப்பா லீக் காற்­பந்­துப் போட்­டி­யில் மீண்­டும் தனது ஆற்­றலை நிரூ­பித்­துள்­ளார் மான்­செஸ்­டர் யுனை­டெட் நட்­சத்­தி­ரம் கிறிஸ்­டி­யானோ ரொனால்டோ.

'இ' பிரி­வில் இங்­கி­லிஷ் பிரி­மி­யர் லீக் குழு­வான யுனை­டெட், மொல்­டோ­வா­வின் ஷெரிஃப் டிரா்ஸ்­பொலை 3-0 எனும் கோல் கணக்­கில் வென்­றது. மூன்று கோல்­களில் ஒன்­றைப் போட்­ட­வர் ரொனால்டோ.

டியோகோ டாலோ, மார்க்­கஸ் ரேஷ்­ஃபர்ட் ஆகி­யோர் யுனை­டெட்­டின் இதர இரண்டு கோல்­க­ளைப் போட்­ட­னர்.

இந்த வெற்­றி­யின் மூலம் 'இ' பிரி­வில் ஓர் ஆட்­டம் எஞ்­சி­யுள்ள நிலை­யில் இரண்­டாம் இடத்­தில் இருக்­கும் யுனை­டெட், அடுத்த சுற்­றுக்கு முன்­னே­று­வது உறு­தி­யா­கி­யுள்­ளது. ஒரு பிரி­வில் முதல் இரண்டு இடங்­களில் முடிக்கும் குழுக்­கள் அடுத்த சுற்­றுக்­குத் தகுதி­பெ­றும்.

'இ' பிரி­வில் முத­லி­டத்­தில் உள்ள ஸ்பெ­யி­னின் ரியால் சோசி­ய­டாட்­டும் அடுத்த சுற்­றுக்கு முன்­னே­று­கிறது.

சென்ற வாரம் பிரி­மி­யர் லீக்­கில் டோட்­டன்­ஹம் ஹாட்ஸ்­ப­ருக்கு எதி­ரான ஆட்­டத்­தின் கடைசி சில நிமி­டங்­களில் ரொனால்டோ மாற்று ஆட்­டக்­கா­ர­ரா­கக் கள­மி­றங்க மறுத்து அரங்­கி­லி­ருந்து வெளி­யே­றி­னார். அதற்­குத் தண்­ட­னை­யாக கடந்த சனிக்­கி­ழ­மை­யன்று செல்சிக்கு எதி­ரான லீக் ஆட்­டத்­தில் குழு­வி­லி­ருந்து ரொனால்­டோவை நீக்­கி­னார் யுனை­டெட் நிர்­வாகி எரிக் டென் ஹாக்.

அந்த அவ­மா­னத்­தி­லி­ருந்து மீண்டு வந்து சிறப்­பாக ஆடி­ய ரொனால்டோ, டென் ஹாக்­கின் பாராட்­டை­யும் பெற்­றார்.

இது­வரை பல சவால்­க­ளைச் சந்­தித்­துள்ள யுனை­டெட்­டைப் படிப்­ப­டி­யாக முன்­னேற்­றம் காண வைத்­துள்­ளார் டென் ஹாக்.

யூயேஃபா யூரோப்பா லீக்: அடுத்த சுற்றுக்கு முன்னேறியது மான்செஸ்டர் யுனைடெட்