சற்று களையிழந்திருக்கும் ஆர்சனல்

ஐண்ட்­ஹோ­வன் (நெதர்­லாந்து): யூயேஃபா யூரோப்பா லீக் காற்­பந்­துப் போட்­டி­யின் 'ஏ' பிரிவு ஆட்­டத்­தில் இங்­கி­லிஷ் பிரி­மி­யர் லீக் குழு­வான ஆர்­ச­னலை வென்­றுள்­ளது நெதர்­லாந்­தின் பிஎஸ்வி ஐண்ட்­ஹோ­வன்.

2-0 எனும் கோல் கணக்­கில் பிஎஸ்வி வென்­றது. ஜோயி வியர்­மன், லூக் டி யோங் ஆகி­யோர் கோல்­க­ளைப் போட்­ட­னர்.

எனி­னும், ஆர்­ச­னல் அடுத்த சுற்­றுக்கு முன்­னே­று­வது ஏற்­கெ­னவே உறு­தி­யா­கி­யி­ருந்­தது.

'ஏ' பிரி­வில் தற்­போது முத­லி­டம் வகிக்­கிறது ஆர்­ச­னல். இந்த ஆட்­டத்­தில் வென்­றி­ருந்­தால் அது இப்­பி­ரி­வில் முத­லி­டத்­தில் முடிப்­ப­தும் உறு­தி­யா­கி­யி­ருக்­கும், அவ்­வ­ள­வு­தான்.

எனி­னும், இந்த ஆட்­டத்­தில் ஆர்­ச­னல் வெற்­றி­பெ­றா­மல் சம­நிலை கண்­டி­ருந்­தாலே அது சாத்­தி­ய­மா­கி­யி­ருக்­கும். அதைக்­கூட செய்­ய­மு­டி­யா­தது கவலை தரும் ஒன்­றாக இருக்­க­லாம்.

பிரி­மி­யர் லீக்­கில் எதிர்­பார்ப்­பு­களுக்கு மாறாக இது­வரை முத­லி­டத்தை வகித்து வந்த ஆர்­ச­னல் கடந்த சனிக்­கி­ழ­மை­யன்று சிர­மப்­பட்­டு­வந்த சவுத்­ஹேம்ப்­ட­னுக்கு எதி­ரான ஆட்­டத்­தில் சம­நிலை கண்­டது. அதைத் தொடர்ந்து பிஎஸ்­விக்கு எதி­ரா­க­வும் சோபிக்­க­வில்லை.

இது தனது விளை­யாட்­டா­ளர்­களின் தன்­னம்­பிக்­கை­யைப் பாதிக்­கா­மல் ஆர்­ச­னல் நிர்­வாகி மிக்­கெல் அர்ட்­டெட்டா பார்த்­துக்­கொள்­ள­வேண்­டும்

'ஏ' பிரி­வில் இரண்­டாம் இடத்தை வகிக்­கிறது பிஎஸ்வி. இக்­கு­ழு­வும் அடுத்த சுற்­றுக்கு முன்­னே­று­வது உறுதி.

இவ்­வி­ரண்­டில் எந்­தக் குழு பிரி­வில் முத­லி­டத்­தைப் பிடிக்­கும் என்­பதற்கான போட்டிதான் இப்போது உள்ளது. 'ஏ' பிரி­வில் இரு குழுக்­களுக்­கும் இன்­னும் ஓர் ஆட்­டம் எஞ்­சி­யுள்­ளது.