லீக் கிண்ணம்: விறுவிறுப்பான ஆட்டத்தில் துடிப்பான யுனைடெட்

மான்­செஸ்­டர்: இங்­கி­லாந்­தின் லீக் கிண்­ணக் காற்­பந்­துப் போட்­டி­யில் ஆஸ்­டன் வில்­லா­விற்கு எதி­ரா­கப் பழிதீர்த்­துக்­கொண்­டுள்­ளது மான்­செஸ்­டர் யுனை­டெட். சென்ற வாரம் நடை­பெற்ற இங்­கி­லிஷ் பிரி­மி­யர் லீக் ஆட்­டத்­தில் வில்­லா­வி­டம் தோல்­வி­ய­டைந்த யுனை­டெட் இந்த ஆட்­டத்­தில் வெற்­றி­கண்­டது.

4-2 எனும் கோல் கணக்­கில் வென்­றது யுனை­டெட். ஆன்­டனி மார்­சி­யால், மார்க்­கர்ஸ் ரேஷ்­ஃபர்ட், புரூனோ ஃபெர்னாண்­டெஸ், ஸ்காட் மெக்­டோ­மினே ஆகி­யோர் கோல்­க­ளைப் போட்­ட­னர். ஓலி வாட்­கின்ஸ், வில்­லா­வின் முதல் கோலைப் போட்­டார். யுனை­டெட்­டின் டியோகோ டாலோ சொந்த வலைக்­குள் பந்தை அனுப்­பி­ய­தன் மூலம் வில்­லா­விற்கு இரண்­டா­வது கோலும் கிடைத்தது.

விறு­வி­றுப்­பாக அமைந்­தது இந்த லீக் கிண்ண மூன்­றாம் சுற்று ஆட்­டம். மாற்று ஆட்­டக்­கா­ர­ரா­கக் கள­மி­றங்­கிய யுனை­டெட்­டின் இளம் அர்ஜெண்டினா வீரர் அலெ­ஹாண்­டிரோ கர்­னாச்சோ மிகச் சிறப்­பாக விளை­யா­டி­யோ­ரில் ஒருவர்.

இந்த வெற்­றி­யின் வாயிலாக பிரி­மியர் லீக்­கில் ஏற்­பட்ட சிறு பின்­ன­டைவை யுனை­டெட் உத­றித் தள்­ளி­யது.

பிரி­மி­யர் லீக் ஆட்­டத்­தில் இடம்­பெற்­ற­தைப் போல் இதி­லும் வில்லா முன்­னுக்­குச் சென்­றது. இந்த ஆட்டத்தில் 1-0, 2-1 எனும் கோல் கணக்­கில் அக்­குழு இருமுறை முன்னணியில் இருந்தது.

எனி­னும், இம்­முறை பின்­ன­டை­விலிருந்து மீண்­டு­வ­ரும் ஆற்­றலை நன்கு வெளிப்­ப­டுத்­தி­யது யுனை­டெட். அதுவே அதற்குப் பிரச்­சி­னை­யாக இருந்து வந்தது.

ஆட்­டத்­தின் அனைத்து கோல்­களும் பிற்­பா­தி­யில் விழுந்­தன.

ஈஎ­ஃப்­எல் கிண்ணம் என்­றும் அழைக்­கப்­படும் லீக் கிண்­ணத்தை யுனை­டெட் இது­வரை ஐந்து முறை வென்­றிருக்கிறது. கடை­சி­யாக 2017ஆம் ஆண்டு லீக் கிண்­ணத்தை வென்­றது யுனைடெட்.