பிரேசிலின் வெற்றிப் பயிற்றுவிப்பாளர் ஓய்வு

ரியோ டி ஜெனிரோ: பிரே­சி­லின் தேசிய காற்­பந்து அணிக்­குக் கடை­சி­யாக உல­கக் கிண்­ணத்தை வென்­று­தந்த பயிற்­று­விப்­பா­ளர் லூயிஸ் ஃபெலிப்பே ஸ்கொ­லாரி ஓய்­வு­பெ­றப்­போ­வ­தா­கத் தெரி­வித்­துள்­ளார்.

கடை­சி­யாக 2002ஆம் ஆண்­டில் பிரே­சில் உல­கக் கிண்­ணத்­தைக் கைப்­பற்­றி­யது. அப்­போது ஸ்கொ­லா­ரி­தான் அதன் பயிற்­று­விப்­பா­ளர்.

கடைசியாக பிரே­சி­லின் அட்­லெட்­டிக்கோ பரா­னெ­யின்ஸ் குழு­வின் பயிற்­று­விப்­பா­ள­ராக இருந்த ஸ்கொ­லாரி இரு­முறை பிரே­சில் அணி­யின் பயிற்­று­விப்­பா­ள­ராக இருந்­தார். எனி­னும், இரண்­டா­வது முறை­யாக பிரே­சில் பயிற்று­விப்­பா­ள­ராக இருந்­த­போது 2014ஆம் ஆண்டு உல­கக் கிண்­ணப் போட்­டி­யில் அந்த அணி சொந்த மண்­ணில் கிண்­ணத்தை வெல்­லத் தவ­றி­யது.

இங்­கி­லிஷ் பிரி­மி­யர் லீக் குழுவான செல்­சிக்­கும் ஸ்கொ­லாரி சில காலம் நிர்­வா­கி­யாக இருந்­தார். அதற்கு முன்பு சுமார் ஐந்து ஆண்­டு­க­ளுக்கு போர்ச்சு­கலின் பயிற்­று­விப்­பா­ள­ராகப் பணிபுரிந்தார்.

ஸ்கொ­லா­ரி­யின் போர்ச்­சு­கல் 2006ஆம் ஆண்டு உல­கக் கிண்­ணப் போட்­டி­யில் அரை­யி­று­திச் சுற்று வரை சென்­றது. அதி­லி­ருந்து­தான் கிறிஸ்­டி­யானோ ரொனால்டோ முத்­திரை பதிக்­கத் தொடங்­கி­னார்.