கிண்ணம் வெல்லும் பேரவா சிறகடித்துப் பறந்தாலும் எச்சரிக்கையுடன் இருக்கும் மெஸ்ஸி

தோஹா: உல­கக் கிண்ண காற்­பந்­துப் போட்­டி­யில் அர்­ஜெண்­டி­னா­வின் வெற்றி வாய்ப்­பு­கள் குறித்து அதன் நட்­சத்­திர வீரர் லய­னல் மெஸ்ஸி எச்­ச­ரிக்­கை­யு­டன் இருக்­கி­றார்.

வலி­மை­வாய்ந்த குழுக்­கள் சில சம­யங்­களில் மெத்­த­னத்­து­டன் இருப்­ப­துண்டு.

அதன் கார­ண­மா­கவே சறுக்­கல்­கள் ஏற்­படும் அபா­யங்­கள் இருப்­பது அனை­வ­ரும் அறிந்­ததே.

இதை அனு­ப­வம் வாய்ந்த மெஸ்­ஸி­யும் நன்கு புரிந்­து­வைத்­துள்­ளார்.

எனவே, கிண்­ணத்தை ஏந்­தும் ஆசை அதி­கம் உள்ள­போ­தி­லும் அவ­ச­ரப்­ப­டா­மல், நிதா­னம் இழக்­கா­மல் ஒவ்­வோர் ஆட்­டத்­தி­லும் தமது குழு கவ­னம் செலுத்­தப்­போ­வ­தாக அவர் தெரி­வித்­தார்.

அர்ஜெண்டினா 'சி' பிரிவில் இடம்பெறுகிறது. முதல் சுற்று ஆட்டத்தில் அது சவூதி அரேபியா, மெக்சிகோ, போலந்து ஆகிய குழுக்களுடன் மோதும்.

1978, 1986ஆம் ஆண்டுகளில் உலகக் கிண்ணத்தை வென்று, 1990, 2014ஆம் ஆண்டுகளில் இறுதி ஆட்டம் வரை சென்ற அர்ஜெண்டினாவால் இக்குழுக்களை எளிதில் வெல்ல முடியும் என்று பார்ப்பவர் மனதில் தோன்றக்கூடும்.

ஆனால், காற்­பந்­தாட்­டங்­களில் பலம் பொருந்திய குழுக்­க­ளின் கவ­னம் சித­றி­னால், கண்­ணி­மைக்­கும் நேரத்­தில் நினைத்­துப் பார்க்­கா­த­தும் நடக்­கக்­கூ­டும்.

"நாங்­கள் ஆவ­லு­டன் இருக்­கி­றோம். வெற்றி வாய்ப்­பு­கள் அதி­கம் உள்­ளன. ஆனால் படிப்­ப­டி­யா­கச் செல்­லத் திட்­ட­மிட்­டுள்­ளோம். உலகக் கிண்­ணப் போட்­டி­யில் எளி­தான ஆட்­டம் என்­பது கிடை­யாது," என்று மெஸ்ஸி தெரி­வித்­தார்.

கிண்ணம் வெல்லும் வாய்ப்பு பிரேசில், பிரான்ஸ், இங்கிலாந்து ஆகிய குழுக்களுக்கும் அதிகம் இருப்பதாக அவர் கூறினார்.