மாணவர் முரசு
இ-பேப்பர்
ரியோ டி ஜெனிரோ: உலகக் கிண்ணத்தை வெல்ல லயனல் மெஸ்ஸி தகுதியானவரே என்று பிரேசில் முன்னாள் காற்பந்து சகாப்தமும்முறை உலகக் கிண்ணம் வென்றவருமான பெலே தெரிவித்துள்ளார்.
"இன்று (நேற்று), காற்பந்து விளையாட்டு எப்பொழுதும்போல் மனங்கவரும் வகையில் தன் கதையைச் சொல்லியவாறே இருக்கிறது. மெஸ்ஸி தன் முதலாவது உலகக் கிண்ணத்தை வென்றுள்ளார். அவரது காற்பந்துப் பயணத்தில் அது தகுதியானதே," என்று பெலே தமது இன்ஸ்டகிராம் பக்கத்தில் பதிவிட்டுள்ளார்.
அதுபோல், 'ஹாட்ரிக்' நாயகனான பிரான்சின் எம்பாப்பேவையும் அவர் மெச்சியுள்ளார்.
"என் ஆருயிர் எம்பாப்பே உலகக் கிண்ண இறுதிப் போட்டியில் நான்கு கோல்களை அடித்துள்ளார். எதிர்காலக் காற்பந்தின் அற்புதமான அவரது ஆட்டத்தைக் கண்டது என்னவோர் அருமையான பரிசு," என்று கூறியுள்ளார் பெலே.
உலகக் கிண்ண அரையிறுதிச் சுற்றுக்கு முதன்முறையாகத் தகுதிபெற்ற ஆப்பிரிக்க அணியான மொரோக்கோவையும் அவர் பாராட்டத் தவறவில்லை.
குரோவேஷியாவிற்கு எதிரான காலிறுதியில் தோற்று வெளியேறிய பிரேசில் அணியின் நட்சத்திர ஆட்டக்காரர் நெய்மார், தமது இன்ஸ்டகிராம் பக்கத்தில் மெஸ்ஸி கிண்ணத்துடன் இருக்கும் படத்தைப் பதிவிட்டு, "வாழ்த்துகள் சகோதரா!" என்று குறிப்பிட்டுள்ளார்.