மாணவர் முரசு
இ-பேப்பர்
'வாட்ஸ்அப்' செயலியில் அனுப்பிய தகவலை நீக்க விரும்புவோர் 'டெலிட்' அம்சம் மூலம் அதனைச் செய்யும்போது அனைவருக்கும் அந்தத் தகவலை அழிப்பது அல்லது அனுப்பியவருக்கு மட்டும் அழிப்பது, நடவடிக்கையை ரத்துசெய்வது என மூன்று தெரிவுகள் இருக்கும்.
இதில் அனைவருக்கும் தகவலை அழிப்பதற்குப் பதில் தனக்கு மட்டும் என்ற தெரிவைத் தவறுதலாகச் சில நேரங்களில் தேர்ந்தெடுத்துவிடுவோம்.
இதனால் அனுப்பிய தகவல் நம்மிடம் இருக்காது. ஆனால் அடுத்த முனையில் இருப்பவர் அதனைப் பார்க்க இயலும். இத்தகைய சிக்கலுக்குத் தீர்வுகாணும் வகையில் 'வாட்ஸ்அப்' நடவடிக்கை எடுத்துள்ளது.
இனி தனக்கு மட்டும் அழிக்கவேண்டும் என்ற தெரிவின்மேல் ஐந்து நொடிகளுக்கு 'அண்டூ' எனக் காட்டும்.
இதைப் பயன்படுத்துவதன் மூலம் தவறுதலாக அழித்த தகவலை ஒருவர் மீட்கலாம்.
பின்னர் தேவைப்பட்டால் அனைவருக்கும் அழிக்கும்படியான தெரிவைத் தேர்வு செய்து யாரும் பார்க்காத வண்ணம் தகவலை அழித்துவிடலாம்.
ஆப்பிள், ஆன்ட்ராய்டு ரகக் கைப்பேசிகள் அனைத்திலும் இந்தப் புதிய அம்சத்தைப் பயன்படுத்த இயலும்.