மாணவர் முரசு
இ-பேப்பர்
கருணாநிதி துர்கா
சிங்கப்பூர் அறிவியல் நிலையம் இம்மாதம் பல புதிய நடவடிக்கைகளையும் நிகழ்ச்சிகளையும் அறிமுகப்படுத்தியுள்ளது.
'ஸ்டெம்' எனப்படும் அறிவி யல், தொழில்நுட்பம், பொறியி யல், கணிதம் ஆகிய துறைகளின் ஆற்றலை உணர்த்தும் கண்காட்சிகளும் இவற்றில் அடங்கும்.
'மூவி டிரீட்ஸ் அட் ஓம்னி தியேட்டர்'
ஓம்னி திரையங்கில் மார்ச் 3ஆம் தேதி வரை 'டைனொசோர்ஸ் ஆஃப் அன்டார்டிகா' திரைப்படமும் மார்ச் 10ஆம் தேதி வரை 'சீ லயன்ஸ்: லைஃப் பை எ விஸ்க்கர்' என்ற திரைப்படமும் திரையிடப்படும். ஒரு திரைப்படத்தைக் காணக் கட்டணம் $14.
'ஸ்டார் கேஸிங்'
தொலைநோக்கி வழியாக விண்மீன்களைக் கண்டுகளிப்பதோடு மின்னிலக்கக் கோளரங்கு எனும் நேரடி நிகழ்ச்சியையும் காணலாம். இருள் சூழ்ந்த வானில் நட்சத்திரங்களைக் கண்டு, சூரியக் குடும்பத்தின் கோள்களைப் பற்றி இந்நடவடிக்கை மூலம் மேலும் அறிந்துகொள்ளலாம். இன்றும், இம்மாதம் 17ஆம் தேதியும் இரவு 7.30 மணி முதல் 10 மணி வரை இது நடைபெறும். கட்டணம் $17.
'எனர்ஜி டைட்டென்ஸ்' நிகழ்ச்சி
நேரடி செயல் விளக்கங்கள் கொண்ட இந்நிகழ்ச்சி மின்னாற்றல் குறித்த அறிவியல் சார்ந்த தகவல்களை எடுத்துக்கூறும். இதற்குத் தனிக் கட்டணம் இல்லை. அறிவியல் நிலையத்துக்கான நுழைவுச்சீட்டுகளை வாங்கினால் போதும்.
வாரநாள்களில் நண்பகல் 12 மணிக்கும் வார இறுதியில் நண்பகல் 12 மணி, மாலை 4.30 மணி ஆகிய நேரங்களில் இது நடைபெறும்.
'பட்டர்ஃபிளைஸ் அப் குளோஸ்'
இம்மாதம் 1ஆம் தேதி தொடங்கிய இக்கண்காட்சிக்கு $14 செலுத்தி நுழைவுச்சீட்டு வாங்கிக்கொள்ளலாம். இது அடுத்த மாத இறுதியில் நிறைவுபெறும். காலை 10 மணியிலிருந்து மாலை 5 மணி வரை இதைக் காணலாம்.
அன்பர் தினக் கொண்டாட்டம்
அன்பர் தினத்தைக் கொண்டாடும் வகையில் சாக்லெட் பற்றிய அறிவியல் பூர்வமான தகவல்களைத் தெரிந்துகொள்ள உதவும் நிகழ்ச்சியுடன் சில உற்சாகமூட்டும் நடவடிக்கைகளுக்கும் ஏற்பாடு செய்யப்பட்டுள்ளது.
இன்று முதல் நாளை மறுநாள் வரையும், அன்பர் தினமான இம்மாதம் 14ஆம் தேதியும் இவை நடைபெறும்.
காலை 10.30 மணி, பிற்பகல் 12.30 மணி, 2.30 மணி, மாலை 4.30 மணி ஆகிய நேரங்களில் இந்நடவடிக்கைகள் இடம்பெறும்.
மேற்கண்ட நிகழ்வுகளுக்கு https://www.gevme.com/scsonlinetickets எனும் இணைய முகவரியில் முன்பதிவு செய்து கொள்ளாலாம்.