தோல்வியைத் தழுவ வாய்ப்பு கொடுங்கள்

எடுத்த காரி­யத்­தில் உடனே வெற்றி காண வேண்­டும் என நாம் சிறு பிள்­ளை­யாக இருந்­த­போது எண்­ணி­யி­ருக்­க­மாட்­டோம். கீழே விழு­வது, காயம் ஏற்படுவது, தவ­று­கள் செய்­வது என உல­க­மறிந்து நடந்­து­கொள்­வ­தற்கு ஏற்ற வாழ்க்­கைத் திறன்­க­ளைக் கற்­றுக்­கொண்டு வந்­தோம்.

குழந்தை யூடி­யூப் காணொளி ஒன்­றைப் பார்த்து ஒரே நாளில் நடக்­கக் கற்­றுக்­கொள்­வ­தைக் கற்­பனை செய்து பாருங்­கள். அல்­லது ஒரு சிறு­வன் மிதி­வண்­டியை ஐந்தே நிமி­டங்­களில் ஓட்­டக் கற்­றுக்­கொள்­வது? சாத்­தி­ய­மில்லை.

கீழே விழு­வது, சரி­யா­கச் செய்­யா­தது, பயிற்சி செய்து செய்து ஒன்­றில் சிறந்து விளங்­கு­வது ஆகி­யவை நம்மை மேம்­படுத்­தக்கூடிய பாடங்­கள்.

இருப்­பி­னும், அண்­மைய ஆண்­டு­க­ளாக பிள்­ளை­யின் தன்­னம்­பிக்­கை­யைக் கூட்­டு­வ­தற்­குப் பெரி­ய­வர்­கள், எந்­நே­ர­மும் பாராட்டு மழை­யைப் பொழி­கின்­ற­னர். இத­னால் 'பாராட்டு' அதன் மதிப்பை இழந்­து­விட்­ட­தாக ஸ்டான்­ஃபர்ட் பல்­கலைக்­க­ழ­கத்­தைச் சேர்ந்த பேரா­சி­ரி­யர் கேரல் டுவெக் குறிப்­பிட்­டுள்­ளார்.

பாராட்டு தேவைப்­ப­டாத தரு­ணங்­களில் பிள்­ளை­க­ளைப் பாராட்­டும்­போது அவர்­கள் அதற்கு அடி­மை­யாக, எந்­நே­ர­மும் பாராட்­டையே நாடு­கி­றார்­கள்.

மேலும், அதிக முயற்சி எடுக்­கா­மல் பிள்ளை சரி­யா­கச் செய்­தி­டும் ஒரு செய­லுக்கு, சில பெற்­றோர்­கள் 'அறி­வாளி' என்று பெய­ரி­டும்­போது நிலை­மையை இன்­னும் மோச­மாக்­கி­வி­டு­கிறது என்­றார் பேராசிரியர்.

இத­னால் முயற்சி அதி­கம் தேவைப்­படாத வெற்றி தங்­க­ளுக்­குக் கிடைத்­தால் போதும் என்ற மன­நி­லை­யைப் பிள்­ளை­கள் பெற்­று­வி­டு­கின்­ற­னர். அந்த மன­நிலை வந்­த­தும் புதி­ய­ன­வற்­றைச் செய்து பார்த்து அதில் தேறாத நிலை ஏற்­ப­டு­வ­தில் பிள்­ளை­க­ளுக்கு விருப்­பம் இருக்­காது.

எனவே, ஒரே நாளில் கற்­றல் நிகழ்ந்து­வி­டாது என்ற உண்­மை­யைப் பிள்­ளை­களி­டத்­தில் உணர்த்­து­வது அவ­சி­யம்.

வய­லின் வாசித்­தல், கணினி நிர­லாக்­கம் போன்ற திற­மை­களில் நிபு­ணத்­துவ நிலையை அடை­வ­தற்கு 10,000 மணி நேரக் கடும்­ப­யிற்சி தேவை என்று மால்­கம் கிலே­வெல் என்ற எழுத்­தா­ளர் கூறி­யுள்­ளார். மூன்­றரை ஆண்­டு­க­ளாக ஒவ்­வொரு நாளி­லும் 8 மணி நேரப் பயிற்­சியை விடா­மல் செய்­வ­தற்கு இது சமம். இதுவே வளர்ச்­சிக்கு இட்­டுச் செல்­லும்.

செயற்கை நுண்­ண­றிவு, அதி­ந­வீ­னத் தொழில்­நுட்­பம் ஆகி­ய­வற்­று­டன் வேக­மாக உல­கம் சுழன்­று­கொண்­டி­ருக்க, மனி­தர்­கள் தங்­க­ளின் சுய முன்­னேற்­றத்­தில் கவ­னம் செலுத்­திப் போட்­டி­யிட வேண்­டி­யுள்­ளது.

வளர்ச்­சி­யில் கவ­னம் செலுத்­தும் பிள்­ளை­களே பின்­னா­ளில் வேலை­யி­டத்­தில் சூழ­லுக்­கேற்ப மாறி­ய­வாறு சிறந்து விளங்கி வெற்றி காண்­பர்.

நம் பிள்­ளை­கள் நிபு­ணர்­கள் ஆவ­தற்கு இன்­னும் பல ஆண்­டு­கள் உள்­ளன என்­ப­தைப் பெற்­றோர் முத­லில் உண­ர­வேண்­டும். அதன் அடிப்­ப­டை­யில் ஆறு­தல் கூறி­யும் தட்­டிக்­கொ­டுத்­தும் பிள்­ளை­க­ளுக்கு உற்­சா­கம் ஊட்­ட­லாம்.

அத­னால், தோல்­வி­யைத் தழு­வும் வாய்ப்­பை­யும் பிள்­ளை­க­ளுக்கு நாம் தரு­வ­தில் தவ­றில்லை.

செய்தி: ஸ்ட்­ரெய்ட்ஸ் டைம்ஸ்