வெறும் வயிற்றில் ஓட்டப் பயிற்சி வேண்டாம்

காலை­யில் எழுந்­த­தும் ஓட்­டப் பயிற்­சி­யில் ஈடு­பட்­டால் எடை குறைந்து உட­லு­றுதி மேம்­படும் என்ற எண்­ணத்­தில் கணி­ச­மா­ன­வர்­கள் வெறும் வயிற்­று­டன் ஓடச் செல்­வ­துண்டு. ஆனால் அது தவிர்க்க வேண்­டி­ய ஒன்றாகும்.

வெறும் வயிற்­றில் ஓடு­வது போன்ற இத­யத்­துக்கு அதிக வேலை தரும் உடற்­ப­யிற்­சி­யைச் செய்­தால், தான் தேக்கி வைத்­துள்ள கொழுப்­பை­யும் மாவுச்­சத்­தை­யும் உடல் கரைக்­கும் என்று முந்­தைய ஆய்­வு­கள் கூறின.

ஆனால் உண்­டு­விட்டு பலு­வுள்ள உடற்­ப­யிற்சி செய்­தா­லும் வெறும் வயிற்­றில் செய்­தா­லும் உட­லில் கொழுப்­புச் சத்து ஏறத்­தாழ அதே அள­வுக்­குக் குறை வதாக அனைத்­து­லக விளை­யாட்­டுச் சங்­கம் நடத்­திய ஆய்வு கூறி­யுள்­ளது.

மேலும், வெறும் வயிற்­றில் பலு­வுள்ள உடற்­ப­யிற்சி செய்­தால், உடலில் வலு குறை­ய­லாம். தலை­சுற்­றல், மயக்­கம், நடுக்­கம் போன்­றவை ஏற்­ப­ட­லாம்.

கொழுப்புக் கரை­வ­தற்கு அதிக நேரம் எடுத்­துக்­கொள்­ளும் என்ப­தால், ஓட்­டப் பயிற்சி போன்­ற­வற்றை மேற்­கொள்­ளும்­போது கொழுப்­பைச் சேர்க்காமல் புர­தம், மாவுச் ­சத்து அதி­க­முள்ள உணவுவ­கை­களை உட்­கொள்­ளும்­படி நிபு­ணர்­கள் கூறி­னர்.

முட்டை, தயிர், கரு­ணைக் கிழங்கு, சர்க்­க­ரை­வள்ளிக் கிழங்கு, தயிர், பழங்­கள், வேர்க் ­க­டலை வெண்­ணெய்­யு­டன் ஒரு துண்டு ரொட்டி போன்­ற­வற்றை உண்­டு­விட்டு உடற்ப­யிற்சி செய்ய­லாம். ஆனால் அதி­கம் சாப்­பிட்டு விட்டு உடற்­ப­யிற்சி செய்­ய­வேண்­டாம் என்று எச்­ச­ரிக்­கப்­பட்­டுள்­ளது.