மாணவர் முரசு
இ-பேப்பர்
ஆரம்ப கட்டத்தில் உள்ள தன் வீடியோ விளையாட்டுச் சேவையை, தொலைக்காட்சிகளுக்குக் கொண்டுவர 'நெட்ஃபிளிக்ஸ்' நிறுவனம் திட்டமிடுவதாகக் கூறப்படுகிறது. மக்கள் விளையாடுவதற்குத் தங்களின் கைப்பேசிகளைப் பயன்படுத்தும் வசதியும் இருக்கும் என எதிர்பார்க்கப்படுகிறது.
நிறுவனம் 2021ல் 'ஐபோன்', 'ஐபேட்', 'ஆன்ட்ராய்ட்' ஆகிய சாதனங்களுக்கான விளையாட்டுகளைத் தொடங்கிவிட்டது.
இதற்கிடையே, நெட்ஃபிளிக்ஸ் நிறுவனம் அதன் நிகழ்ச்சிகள் மற்றும் திரைப்படங்களின் வழி ஈட்டும் வருமானத்தோடு இந்த முயற்சியிலும் இறங்க எண்ணியிருப்பதாகத் தகவல்கள் கூறுகின்றன.
சந்தா கட்டணத்தை உயர்த்தும் திட்டத்தில் நிறுவனம் இருப்பதால் வாடிக்கையாளர்களைத் தக்கவைத்துக்கொள்ளவும் இப்புதிய முயற்சி கைகொடுக்கும் என்று எதிர்பார்க்கப்படுகிறது.
இவ்வாறு தொலைக்காட்சிகளில் வீடியோ விளையாட்டுகளைக் கொண்டு வரும் திட்டம் நிறுவனத்திற்கு விளம்பரமாகவும் முக்கிய மைல்கல்லாகவும் அமையும் என்று நம்பப்படுகிறது.
செய்தி: புளூம்பெர்க்