மூன்று கிண்ணங்களை நோக்கி சிட்டி

மான்­செஸ்­டர்: ஒரே காற்­பந்­துப் பரு­வத்­தில் ஐரோப்­பிய சாம்­பி­யன்ஸ் லீக், எ­ஃப்ஏ கிண்­ணம், இங்­கி­லிஷ் பிரி­மி­யர் லீக் விருது ஆகிய மூன்­றை­யும் (டிரெ­பல்) முதன்­மு­றை­யாக வெல்­லும் இலக்கை நோக்கி கம்­பீ­ர­மா­கச் சென்­று­கொண்­டி­ருக்­கிறது மான்­செஸ்­டர் சிட்டி. அதற்­குச் சான்­றாக அமைந்­தது, சாம்­பி­யன்ஸ் லீக் அரை­யி­று­திச் சுற்­றில் நடப்பு வெற்­றி­யா­ளர் ரியால் மட்­ரிட்­டுக்கு எதி­ரான 4-0 எனும் கோல் கணக்­கில் அமைந்த வெற்றி.

அரை­யி­று­திச் சுற்­றின் முதல் ஆட்­டத்­தில் இவ்­விரு குழுக்­களும் 1-1 எனும் கோல் கணக்­கில் சம­நிலை கண்­டன. இரண்­டாம் ஆட்­டத்­தில் ரியாலை சுக்கு­நூ­றாக்­கி­யது சிட்டி.

பெர்­னாடோ சில்வா சிட்டிக்கு இரண்டு கோல்­க­ளைப் போட்­டார். மேனு­வெல் அக்­கான்ஜி, ஹூலி­யன் அல்­வா­ரெஸ் ஆகி­யோர் மற்ற இரண்டு கோல்­க­ளைப் போட்­ட­னர்.

அரை­யி­று­திச் சுற்­றின் மொத்த கோல் எண்­ணிக்கை 5-1.

பொது­வாக வெல்­வ­தற்கே சிர­மம் எனக் கரு­தப்­படும் ரியா­லுக்கு எதி­ரான ஆட்­டத்­தில் சிட்­டி­யின் கோல் மழை பொழிந்­தது.

சாம்­பி­யன்ஸ் லீக், பிரி­மி­யர் லீக், எ­ஃப்ஏ கிண்­ணம் மூன்­றை­யும் தனது குழு­வால் வெல்­ல­முடி­யும் என்ற நம்­பிக்கை பிறந்­துள்­ள­தா­கக் கூறி­னார் சிட்டி நிர்­வாகி பெப் கார்­டி­யோலா.

"இலக்கை அடை­யும் விளிம்­பில் நாங்­கள் இருக்­கி­றோம். நாங்­கள் அதைப் பற்றி சிந்­திக்­க­லாம், அதைச் சாதித்து முடிப்­பதை முன்­கூட்­டியே நினைத்­தும் பார்க்­க­லாம்," என்­றார் கார்­டி­யோலோ.

பிரி­மி­யர் லீக்­கில் சிட்­டிக்கு மூன்றே ஆட்­டங்­கள்­தான் எஞ்­சி­யுள்­ளன. இன்­னும் ஓர் ஆட்­டத்தை வென்­றாலே அது லீக் கிண்­ணத்தை வெல்­வது உறு­தி­யா­கி­வி­டும்.

சாம்­பி­யன்ஸ் லீக் இறு­தி­யாட்­டத்­தில் இத்­தா­லி­யின் இன்­டர் மிலா­னைச் சந்­திக்­கிறது சிட்டி. எ­ஃப்ஏ கிண்­ணப் போட்­டி­யின் இறு­தி­யாட்­டத்­தில் சிட்டி அதன் பரம வைரி­யான மான்­செஸ்­டர் யுனை­டெட்­டு­டன் மோது­கிறது.

இங்­கி­லாந்து காற்­பந்து வர­லாற்­றில் 'டிரெ­பல்' வென்ற ஒரே குழு என்ற பெருமை யுனை­டெட்­டுக்கு உள்­ளது. அதைத் தகர்க்­கும் வெறி­யு­டன் அபா­ர­மாக விளை­யாடி வரு­கிறது சிட்டி.

தற்­போ­தைய நிலையை வைத்­துப் பார்க்­கும்­போது எந்­தக் குழு­வால் சிட்­டி­யைத் தடுத்த நிறுத்த முடி­யும் என்­பது தெரி­ய­வில்லை.