மாணவர் முரசு
இ-பேப்பர்
'ஸொஸொ' (ZOZO) என்ற தலைப்பிலான 20 நிமிட தமிழ் குறும்படம் (படம்) வரும் சனிக்கிழமை மே 27ஆம் தேதி மாலை 5 மணிக்கு சிங்கப்பூர் ரெப்பர்டரி தியேட்டரில் திரையிடப்படவுள்ளது.
நகைச்சுவை கலந்த திகில் படமான இதில் நான்கு முக்கிய கதாபாத்திரங்கள் இடம்பெற்றுள்ளன. ராகதீபன், வை-டி, அரவிந்த், பரதன் நடித்துள்ள இந்த குறும்படத்தை 'ஃபெசஸ்' தயாரிப்புக் குழு தயாரித்துள்ளது.
இக்குழுவின் நிறுவனர் டேனியல் இக்குறும்படத்தை இயக்கியுள்ளார். துணை நிறுவனர் கார்த்திக் ஒளிப்பதிவு செய்துள்ளார். சிங்கப்பூர் சாதனை புத்தகத்தில் இடம்பெற்றுள்ள 'மேஜிக் ஆஃப் ஃபெசஸ்' நடனக்குழு, தற்போது 'ஃபெசஸ்' தயாரிப்புக் குழுவாகி உள்ளது. இக்குழுவின் இரண்டாவது குறும்படம் 'ஸொஸொ'.
செய்தி: துர்க்கா