மாணவர் முரசு
இ-பேப்பர்
அண்மைக்காலமாக செயற்கை நுண்ணறிவைப் பற்றிய நிறைய செய்திகள் வந்த வண்ணம் உள்ளன.
ஓப்பன் ஏஐ நிறுவனம் உருவாக்கிய ‘டால்-இ’ மற்றும் ‘சாட்ஜிபிடி’, ‘மைக்ரோசாஃப்ட் ஆபீஸ் 365’ல் உள்ள ‘பிங்’ தேடுபொறியில் ‘சாட்ஜிபிடி’ ஒருங்கிணைப்பு, கூகல் கம்பெனி உருவாக்கிய பார்ட் (BARD), என்று அடுக்கிக்கொண்டே போகலாம்.
செயற்கை நுண்ணறிவுப் பந்தயத்தில் கூகல், மைக்ரோசாஃப்ட், ஓப்பன் ஏஐ ஆகியன வரிசை பிடித்து நிற்கின்றன.
மிகவும் எதிர்பார்க்கப்பட்ட கூகல் ஆண்டுக் கூட்டம் மே 10ஆம் தேதி நடைபெற்றது. இந்தக் கூட்டத்தின் பெயர் I/O 2023. அந்தக் கூட்டத்தில் சில அறிவிப்புகளை கூகல் வெளி யிட்டது.
செயற்கை நுண்ணறிவின் அடிப்படையிலான ‘சாட்பாட் பார்ட் (BARD)’ இப்போது 180 நாடுகளுக்குப் பயன்படுத்த அனுமதி கிடைத்து உள்ளது.
இந்த ஆண்டு பிப்ரவரியில் பார்ட் என்னும் சாட்பாட் முதன்முதலில் பொதுமக்களுக்கு பயன்படுத்த அனுமதிக்கப்பட்டபோது காத்திருப்புப் பட்டியல் வழியாக மட்டுமே அமெரிக்காவிலும் இங்கிலாந்திலும் அணுக முடிந்தது.
இனிமேல் காத்திருக்க வேண்டிய அவசியம் இல்லை என்கிற அறிவிப்பு இந்தக் கூட்டத்தில் வெளியிடப்பட் டது.
கூகலின் தேடுபொறியில், நீங்கள் கேள்வி கேட்கும்போது, வேண்டிய விடைகளை கொடுத்த பின், அந்தச் செய்தி உடன் தொடர்புடைய வேறு முக்கியமான சில தகவல்களையும் உங்களுக்கு கூடுதலாக கொடுக்க வேண்டும் என்று கூகல் நிறுவனம் கருதியது.
அதன் எண்ணத்தின் விளைவுதான் பார்ட் என்ற செயலி. கூகல் இதனை உருவாக்கி உள்ளது.
பார்ட் - இது ஒருவரோடு ஒருவர் உரையாடக்கூடிய செயலி. இதனைப் பயன்படுத்துபவர்கள் தங்களுக்கான கேள்விகளைத் தட்டச்சு செய்யலாம் அல்லது மைக்ரோஃபோனில் கேட்கலாம். கணினித் திரையில், கேள்விக்கேற்ற விடையை பார்ட் அளிக்கும்.
இந்த பார்ட் செயலி, கணினி கற்றல், இயற்கை மொழி செயலாக்க நுட்பங்கள் ஆகியவற்றை அடிப்படை யாகக்கொண்டு செயல்படுகிறது.
இந்த அதிகப்படியான தகவல்களை கூகல் எப்படி உங்களுக்கு கொடுக்கிறது தெரியுமா ? ‘நாராயணமூர்த்தி இன்ஃபோசிஸ்’ எந்த ஊர்க்காரர் என்று கூகல் தேடுபொறியில் தேடினால், அவரது ஊர் பெயரை நமக்குத் தருவதோடு, அதற்குப் பிறகு அவர் தொடர்பான வேறு சில தகவல்களையும் கூகல் நமக்கு தருகிறது அல்லவா? நாலேஜ் க்ராப் கார்டு (Knowledge Graph Card) மூலம்தான் இந்தத் தகவல்களை கூகல் தருகிறது. விரைவில் PalM2 &. ஜெமினி என்ற வேறு சில புதிய மேம்படுத்தபட்ட மொழி மாடல்களில் பார்ட் இயங்கும் என எதிர்பார்க்கலாம்.
பொதுமக்களுக்கு கூகல் அதனுடைய டிரான்ஸ்ஃபார்மர் ஆழ் கற்றல் மாடலை 2017ல் கிடைக்கச் செய்தது.
இந்த செய்கையின் மூலம் சாட்ஜிபிடி மற்றும் பிற ‘லார்ஜ் லாங்குவேஜ் மாடல்களுக்கான’ (large language model) அடித்தளத்தை கூகல் அமைத்துக் கொடுத்தது என்பதுதான் உண்மை.
