கவிஞர் நெப்போலியனின் கவிதை நூல்கள் வெளியீட்டு விழா

சிங்கப்பூர் கவிஞரும் திரைப்படப் பாடலாசிரியருமான நெப்போலியனின் இரண்டு கவிதை நூல்கள் வெளியீட்டு விழா ஞாயிற்றுக்கிழமை (செப்டம்பர் 3) ரேஸ் கோர்ஸ் ரோட்டில் உள்ள அஞ்சப்பர் உணவகம், நிகழ்வரங்கில் (மாடியில்) காலை 10.30 மணி முதல் பிற்பகல் 1 மணி வரை நடைபெற உள்ளது. 

‘இரைக்கு அலையும் நிகழ்’, ‘புல்வெட்டி’ எனும் நெப்போலியனின் இரு கவிதை நூல்கள் வெளியீட்டு விழாவில் மாடர்ன் மாண்டிசோரி இன்டர்நேஷனல் குழுமத் தலைவர் டாக்டர் டி. சந்துரு, இந்திய மரபுடைமை நிலையத் தலைவர் ரா.ராஜாராம் , முஸ்தபா தமிழ் அறக்கட்டளைத் தலைவர் மு.அ.முஸ்தபா, ஜோஸ்கோ ஜி எஸ் ஏ டிராவல்ஸ் நிறுவனர் நாகை தங்கராசு மற்றும் சிங்கப்பூர் தமிழ் கலை இலக்கியப் பிரமுகர்களும் படைப்பாளர்களும் தமிழ் ஆர்வலர்களும் கலந்துகொள்கின்றனர்.