ஏட்டுச்சுரைக்காய்

கண்ணனையும் காணவில்லை,

பாண்டவரும் பார்க்கவில்லை,

போரெதுவும் மூளவில்லை,

வன்மவெறிக்கு குறைவில்லை,

பாரதம் கேட்டு புண்ணியமில்லை,

தெய்வங்களுக்கு பஞ்சமில்லை

தொழுது ஒரு பயனுமில்லை,

வரும்முன் காக்க வழியுமில்லை

வந்தபின் கேக்க நாதியில்லை

தற்காப்புக் கலை போதவில்லை

நற்பண்புச் சொலவடைகள், மனித

அகராதியில் காணவில்லை

திரௌபதிகளின்

துகிலுறிப்புக்கு முடிவுமில்லை.

ஆயிரம் நிந்தனை, சட்ட தண்டனை

எது நடந்து என்ன பயன்?

நெஞ்சு பதறி, கதற நாவற்று

மாண்டவள் வலி தீருமோ?

இணைய வார்த்தைகள் வர்ணித்த

கற்பனைக்கெட்டா வலியை

நினைக்கக்கூட

நெஞ்சு பொறுக்குதில்லையே,

கள்ளிப்பால் சுவையாக இருந்திக்குமோ,

என்றெண்ணத் தோன்றுகிறதே.

ஒப்பாரிக்கு எழுத்துரு தருவதைத்தவிர

ஐயகோ என்செய்வேன்; - பெண்ணே

என் இனமன்றோ நீயும்;

கத்தி முனையைவிட பேனா முனை கூர்

வில் முனையைவிட சொல்முனை கூர்

எனும் கூற்றுகள் வெறும்

ஏட்டுச் சுரைக்காய்

என்பது கண்கூடானதே!

கல்லாமை முயலாமை

என்றனைத்து ஆமைகளையும்

ஒழித்து என்ன பயன்?

இயலாமை இயல்பாய் அறைகிறதே!

- மோகனபிரியா தனசேகரன்

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!