முடிவிலியின் முடிவினிலே

தலைப்பு: முடி­வி­லி­யின் முடி­வி­னிலே

நூலா­சி­ரி­யர்: மது­ஹனி

பதிப்­பா­ளர்: சென்னை : அறி­வா­ல­யம், 2019.

குறி­யீட்டு எண்: Tamil MAT

அனைத்து உரி­மை­களும் காப்­பு­ரி­மைக்கு உட்­பட்­டவை.

இரு இத­யங்­க­ளின் முடி­வில்லா வாழ்க்­கைப் பய­ணத்தை எழுத்­தா­ளர் மது­ஹனி தெளிந்த அமை­தி­யான நீரோ­டை­போல் அழ­கான நாவ­லாக வடி­வ­மைத்­தி­ருக்­கி­றார். காதல், திரு­ம­ணம், நல்­வாழ்க்கை என்ற முடிவு பொது­வாக மகிழ்­வைத் தரு­வது. ஆனால் திரு­ம­ணம் என்ற பந்­தத்­துக்­குள் வரா­ம­லேயே மகிழ்­வைத் தரு­வ­தும் காத­லின் வெற்றி என்று கொண்­டா­டு­கிறது இந்த நாவல்.

ராஜா ராஜ­வர்­தன் சிங் ரத்­தோர், அவ­ரது காதல் மனைவி சாரதா, அவர்­கள் மகன் ஹர்ஷா, அவ­னோடு படிக்­கும் ஹரிணி, இந்த நால்­வ­ரை­யும் சுற்­றிப் புனை­யப்­பட்ட ஓர் அழ­கான காதல் ஓவி­யம் இந்த நாவல். ஹர்­ஷா­வும் ஹரி­ணி­யும் மருத்­து­வப் படிப்­பில் முத­லாண்டு சந்­தித்­த­தி­லி­ருந்து அவர்­க­ளுக்­குள் ஏற்­படும் சிறு­சிறு சச்­ச­ர­வு­கள், புரி­த­லின்மை ஆகி­யவை கொஞ்­சம் கொஞ்­ச­மாக மாறி, புரி­த­லு­டன் கூடிய நட்­பும் கரி­ச­ன­மும் காத­லைத் தாண்­டிய ஓர் அன்­பும் வளர்­கிறது. ஹர்ஷா தன் பெற்­றோ­ரின் விருப்­பத்­தின் பேரில் மருத்­து­வப் படிப்பை மேற்­கொண்டு உல­கின் தலை­சி­றந்த பல்­க­லைக்­க­ழ­கத்­தில் பயிற்சி பெற்ற இரு­தய அறுவை சிகிச்சை நிபு­ணர். ஹரிணி அவ­னோடு மருத்­து­வம் பயின்ற, மயக்க இயல் மருத்துவ நிபு­ணர். ஹரி­ணி­யின் தனித்­தன்­மை­யும் தன் வெற்­றிக்கு உத­வும் அவ­ளது மனப்­போக்­கும் தான் அரச பரம்­ப­ரை­யில் வந்­த­வன் என்ற கர்­வத்தை ஹர்­ஷா­வி­டம் அகற்றி அவன் செய்­யும் சாத­னை­கள்­தான் அவ­னுக்­குப் புக­ழைச் சேர்க்­கும் என்ற வாழ்க்­கை­யின் ரக­சி­யத்தை உணர்த்துகிறது. இத­னால் மற்ற பெண்­களை விட ஹரி­ணி­யி­டம் ஹர்­ஷா­விற்கு ஈர்ப்பு அதி­கம் ஏற்­ப­டு­கிறது. எதிர்­பார்ப்­பில்­லாத அன்­பை­யும் தூய்­மை­யான காத­லை­யும் போற்­றும் இந்­நூல் மென்­மை­யான காற்று வீசும் கடற்­க­ரை­யோ­ரம் இருப்­பது போன்ற இத­மான உணர்­வைத் தரு­கிறது. பொழு­து­போக்­குக்­காக வாசிப்­ப­வர்­க­ளுக்கு மிக­வும் சுவா­ர­சி­ய­மாக அமை­யும். இந்த நூல் கிடைக்­கும் நூல­கங்­க­ளின் விவ­ரங்­க­ளைப் பெற: http://catalogue.nlb.gov.sg