என்ன செய்­வது

சிறுகதை

மலையரசி சீனிவாசன்

“அம்மா! அந்­தப் பூனை­க­ளைப் பார்க்க முடி­யுமா?” அன்­னை­யின் தோள்­மீது கையைப்­போட்டு நிற்­ப­வ­ரின் முகத்­தைப் பார்க்க முடி­யா­மல் தடு­மா­றி­னார் இஸ்­மா­யில்.

நாற்­பத்து ஐந்­தாண்டு தொழில் அனு­ப­வத்­தில் அப்­ப­டி­யொரு சூழ்­நி­லையை அவர் சந்­தித்­த­தில்லை.

சிராங்­கூன் வட்­டா­ரத்­தில் படங்­க­ளுக்­குச் சட்­டம் போடும் கடையை வைத்­தி­ருக்­கி­றார் இஸ்­மா­யில். “நீங்க படங்­க­ளுக்­குப் போடும் ‘பிரேம்’(சட்­டம்) ரொம்ப பிர­மா­தம் அண்ணே!” என்று பாராட்­டப்­ப­டு­ப­வர்.

திரு­ம­ணம், பிறந்­த­நாள், பட்­ட­ம­ளிப்பு விழா, இயற்­கை­யின் ரம்­மி­யான அழ­கி­யல் காட்­சி­கள், உல­கத் தலை­வர்­கள், நடி­கர்­கள் மற்­றும் உருவ வழி­பாட்டுப் படங்­கள் என்று எந்­தப் பட­மாக இருந்­தா­லும் அவற்­றுக்­குப் பொருத்­த­மாக அவர் தேர்ந்­தெ­டுத்துப் போடும் சட்­டங்­கள் வாடிக்­கை­யா­ளர்­க­ளின் மனதை மகி­ழச் செய்­யும்.

கடை­யைத் தாண்டி செல்­ப­வர்­க­ளின் பார்­வை­யில் படங்­க­ளுக்­குப் போட்­டி­ருக்­கும் சட்­டங்­க­ளால் அவை மேலும் உயிர் ஓவி­ய­மாக மெரு­கு­டன் காட்­சி­ய­ளிக்­கும்.

தொழில்­நுட்ப வளர்ச்­சி­யில் படங்­க­ளுக்­குச் சட்­டம் போடும் பழக்­கம் குறைந்­தி­ருந்­தா­லும் அவ­ரைத் தேடி வரும் பழைய வாடிக்­கை­யா­ளர்­கள் இருக்­கத்­தான் செய்­கி­றார்­கள். அதைப்­போ­லவே சில புகைப்­ப­டக்­கா­ரர்­களும் “அண்ணே நீங்க சட்­டம் போட்­டாத்­தான் சரியா இருக்­கும்,” என்று இஸ்­மா­யி­லி­டம் படங்­க­ளைக் கொடுத்­து­வி­டு­வார்­கள்.

வழக்­கம்­போல் சில படங்­களை விற்­ப­னைக்கு எடுத்து வெளி­யில் வைத்­தி­ருந்­தார். அவை­யெல்­லாம் வாடிக்­கை­யா­ளர்­கள் வாங்­கும்­போது அவர்­க­ளின் விருப்­பத்­திற்கு ஏற்ற மாதிரி சட்­டங்­க­ளைத் தேர்வு செய்து போட்­டுக்­கொ­டுப்­ப­தற்­காக. அதில் செவ்­வக வடி­வத்­தில் இருக்­கும் ஒரு படத்­தில் பச்சை, சிவப்பு, நீல நிறங்­களில் இருக்­கும் கோப்­பை­கள் ஒவ்­வொன்­றி­லும் இரண்டு இரண்டு பூனை­கள் இரண்டு காது­க­ளை­யும் தூக்கி கண்­களை இமைக்­கா­மல் கோப்­பை­க­ளைப் பிடித்­துக்­கொண்டு நின்­றன.

வெள்ளை, கறுப்பு, ஆரஞ்சு நிறங்­க­ளின் கல­வை­யில், அவர் கடை­யைச் சுற்றி வரும் பூனை­க­ளின் சாய­லில் இருந்­தன.

சிறு­பிள்­ளை­களை ஒரே இடத்­தில் நிற்க வைத்து ஒரு புகைப்­ப­டம் எடுக்­கவே சிர­மப்­ப­டும்­போது எப்­படி அந்­தப் பூனை­களை ஒரே மாதிரி கேம­ரா­வைப் பார்க்­க­வைத்து படம் எடுக்க முடிந்­தது என்று வியந்து ரசித்­தார்.

அதி­லி­ருந்த அடர்த்­தி­யான பழுப்பு நிற பூனை ஒன்று அவ­ரின் மனதை முழு­மை­யாக ஈர்த்­தி­ருந்­தது. அதையே மீண்­டும் மீண்­டும் பார்த்­துக்­கொண்­டி­ருந்­தார். அதன் கண்­களில் தெரி­வது இனம் புரி­யாத சோகமா அல்­லது ஏக்­கமா? பார்க்­கப் பார்க்க அவரை என்­னமோ செய்­வ­தைப்­போல இருந்­தது. பேரன் ஆர்­டர் கொடுத்து விற்­ப­னைக்­காக வர­வ­ழைத்­த படம் அது.

“பொருத்­தமா ஒரு சட்­டத்­தைப்­போட்டு வீட்­டில் வைத்­துக்­கொண்­டால் என்ன?” என்று யோசித்த அடுத்த கணமே “எனக்கு அது வேணும்!” ஒரு சிறுமி கையை நீட்­டிக்­கொண்­டி­ருந்­தாள்.

“சத்­தம் போடாதே….. நல்­லா­யி­ருக்­கீங்­களா?” கடைக்கு அடிக்­கடி வரும் கும­ரன்­தான் நின்­று­கொண்­டி­ருந்­தான்.

“ஓ... அதான் குழந்­தை­யைப் பார்த்த மாதி­ரியே இருந்­தது!” சிறு­மி­யின் கன்­னத்தை லேசா­கத் தட்­டிக்­கொ­டுத்து “கொஞ்ச நேரம் இருங்க, இதற்கு ஒரு அழ­கா­ன சட்­டம் போட்டுத் தரு­கி­றேன்!” என்­றார் உவ­கை­யு­டன். “ஒண்­ணும் அவ­ர­ச­மில்லை. நீங்க போட்டு வைங்க பக்­கத்­து­லப் போயிட்டு வந்து விடு­கி­றோம்!” என்று சிறு­மி­யு­டன் வெளி­யே­றி­னான்.

இளம் பச்சை நிறத்­தில் படம் இருந்­த­தால் அதற்கு ஏற்ற ஓரிரு வெற்று சட்­டங்­க­ளைப் பொருத்­திப் பார்த்­த­வ­ருக்­குத் திருப்­தி­யாக இல்லை.

சிறு­மி­யி­டம் கொடுப்­ப­தால் மிகச் சிறிய பூக்­கள் இருப்­ப­தைப்­போன்ற ஒன்­றைத் தேர்ந்­தெ­டுத்­தார். சட்­டம் போட்ட படத்­தி­லி­ருக்­கும் அடர்த்­தி­யான பழுப்பு நிற பூனை மட்­டும் எதையோ அவ­ரி­டம் கூறு­வ­தைப்­போல இருந்­தது.

கனத்த மனத்­து­டன் இருந்­த­வர் ஏதோ ஞாப­கத்­தில் மீண்­டும் அந்­தப் பூனைப் படத்தை விற்­ப­னைக்­காக வைத்­தி­ருந்த மற்ற படங்­க­ளு­டன் வைத்­து­விட்­டார்.

எனக்கு அது வேணு­மென்று ஒரு வெளி­நாட்டு மூதாட்டி கையை நீட்­டி­ய­தும் அதிர்ச்­சி­யுற்­றார்.

அப்­பொ­ழு­து­தான் அவர் தான் செய்­தி­ருக்­கும் மிகப்­பெ­ரிய தவற்றை உணர்ந்­தார்.

மூதாட்­டி­யின் மக­னி­டம் நடந்­த­வற்­றைக் கூறி மன்­னிப்­புக் கேட்­டுக்­கொண்­டார்.

சுற்­றுப்­ப­ய­ணி­யா­ன­வர் தன் தாயார் ஞாபக மறதி நோயால் பாதிக்­கப்­பட்­ட­வர் என்­ப­தால் படத்தை மறந்­து­வி­டு­வார் என்­ற­வர் சிறிது நேரம் அங்­கி­ருந்­து­விட்டு கிளம்பி விடு­வ­தா­கத் தன்­மை­யு­டன் கூறி­னார். அது மேலும் இஸ்­மா­யி­லின் குற்­ற­வு­ணர்­வைத் தூண்­டி­ய­தால் தலை­கு­னிந்­தார்.

எழு­பது வய­திற்கு மேல் இருக்­கும் அந்த மூதாட்டி மக­னின் கையை இறுக்­க­மா­கப் பிடித்­துக்­கொண்டு வாயைப் பிளந்­த­படி கடை­யில் இருப்­ப­வற்றை அதி­ச­ய­மா­கப் பார்த்­துக்­கொண்­டி­ருந்­தார்.

அவர்­க­ளின் மொழி­யில் மகன் ஏதோ கூறு­வ­தற்கு முடி­யாது என்ற பாவ­னை­யில் தலை­யாட்­டு­வது பார்ப்­ப­தற்கு மிக­வும் பரி­தா­ப­மாக இருந்­தது.

சற்று குரலை உயர்த்­தி­ய­தும் தேம்­பும் அன்­னை­யி­டம் எதையோ கூறி­ய­தும் உடனே சிரித்­துக்­கொண்டு சரி­யென்று தலை­யாட்­டி­னார்.

ஐஸ் கிரீம் சாப்­பிட அழைத்­துச் செல்­வ­தா­கக் கூறிச் சென்­ற­வர் சில நொடி­களில் மீண்­டும் திரும்பி வந்து கடை­சி­யாக ஒரு­முறை அந்­தப் பூனை­க­ளின் படத்­தைத் தன் அன்­னை­யி­டம் காண்­பிக்­கும்­படி கேட்­டுக்­கொண்­டார்.

அந்த மூதாட்­டி­யின் நிலையை நினைத்­த­தும் இஸ்­மா­யி­லின் கண்­கள் ஈர­மா­னது.

“அழாதே மை சன்!” என்று கண்­ணீ­ரைத் துடைத்­த­தும் உள்­ளம் நெகிழ்ந்­த­வர் படத்தை மூதாட்­டி­யி­டமே கொடுத்­தார். அதைச் சற்­றும் எதிர்­பார்க்­கா­த­வர் மகிழ்ச்­சி­யு­டன் படத்தை முத்­த­மிட்­டார்.

“ஓ…என்ன ஓர் அழகு!!” என அடர்த்­தி­யான பழுப்பு நிற பூனையை வெளிர் நிற விரல்­க­ளால் வரு­டி­னார் மூதாட்டி.

“பூனை… என் பூனை!!” என்று தன்னை நோக்­கித் துள்ளி வரும் சிறு­மி­யைக்­கண்டு திகைத்து நின்­றார் இஸ்­மா­யில்.

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!