பேதம்

கி. சுப்பிரமணியம்

வண்ணப் பறவையாம் பச்சை கிளிகளை

கண்டால் மனதை கவரும் - மண்ணில்

கருப்பின காகத்தை கூண்டில் அடைத்தே

பொறுப்பாய் வளர்ப்பரோ பார்

தெருவினில் நாய்கள் திரியும் பசியால்

தருவதற்கு யாருக்கும் தோன்றா - உருவத்தில்

மெருகான நாய்களை மெல்ல தழுவி

பெருமிதம் கொள்வோர் பலர்

சாதிகள் போற்றும் சுயநல போக்கினை

நாதியற்ற நாயிடமும் நோக்கிடும் - போதிய

சிந்தனை இல்லா சிறுமதி மானிடரால்

நொந்தன சிற்றுயிர்கள் நாளும்!