கவிதை: அதிகாலைப் பயணம்

-ரெமிலா

சூரியன் எழுவதற்கு முன்பே

தன் பயணத்தைத் தொடங்குகிறது

பேருந்து

தொலைபேசியில் தன்னைத்

தொலைத்திருந்த பெண்மணி,

பேருந்தின் பேரசைவினால் தடுமாறுகிறார்

அவமானத்தில் வெட்கி

இவையும் உங்களுக்குப் பிடிக்கலாம்

அனைத்துவகைச் செய்திகளும் ஒரே இடத்தில்.

மலேசிய முன்னாள் பிரதமர் மகாதீரின் மனைவி 100வது வயதில் காலமானார்

28 Sep 2026 - 10:56 AM

குழந்தைகளுக்காக மெண்டாக்கியின் புதிய பரிசு: 5,000 குடும்பங்களுக்குச் சிறப்புத் தொகுப்பு

27 Sep 2026 - 4:30 PM

சமூக நலனுக்காகச் செயற்கை நுண்ணறிவைப் பயன்படுத்தும் மாணவர்கள்

28 Sep 2026 - 5:30 AM

சட்டம், ஒழுங்கு குறித்துத் தகவல் கோரத் தமிழகத்தில் தடை

27 Sep 2026 - 3:15 PM

அருகில் இருந்த கைப்பிடியை

இறுகப் பற்றிக்கொள்கிறார்

காலையில் காபியின் சுவையறியா

ஒரு முதியவர்,

அதீத எரிச்சலுடன்

பேருந்தினுள் நுழைகிறார்

கண்ணில் பட்ட

முதல் இருக்கையில்

சட்டென்று அமர்கிறார்

அவருக்குச் சற்றுப் பின்னே

ஒரு சிறு பிள்ளை,

கையில் வைத்திருந்த

வாகனப் பொம்மையை

சன்னலோரம் ஓட்டியபடி

தனது மழலை உளறல்களால்

பேருந்தை நிரப்பியது

குழந்தையின் புன்முறுவலைக்

கண்ட வானம்

மெல்ல காலை வெளிச்சத்தை

உலகிற்குப் பரப்பத் தொடங்கியது

குழந்தைக்கு நேர் எதிரே

பள்ளிச் சீருடை அணிந்திருக்கும்

மாணவன் ஒருவன்,

காதில் ஒலித்துக்கொண்டிருக்கும் இசையால்கூட

அவனது ஆழ்ந்த உறக்கத்தைக்

கலைக்க இயலவில்லை

அவனுக்கு இன்னும் தூக்கம் கலையவில்லை

ஆனால் அவனைத் தாலாட்டியபடி

மெல்லிய உறுமல்களுடன்

உருண்டு கொண்டிருந்த பேருந்து

எப்பொழுதோ விழித்துவிட்டது

சூரியன் உறங்கிய பின்னும்

பேருந்து உறங்குவதில்லை…