மாணவர் முரசு
இ-பேப்பர்
தொடும்உணர்வுத் திறன்கொண்ட தாவரங்கள் ஓரறிவு
தொடுவதோடு சுவையுணரும் நத்தைகளோ ஈரறிவு
ஈரறிவொடு முகரும்திறன் எறும்புகளோ மூவறிவு
மூவறிவொடு பார்க்கின்ற நண்டுதும்பி நாலறிவு
நாலறிவொடு கேட்கும்திறன் விலங்குபறவை ஐந்தறிவு
ஐந்தறிவொடு சிந்தனைத்திறன் மனிதனோ ஆறறிவு
ஆறறிவு மனிதனின் அஞ்ஞானம் விஞ்ஞானம்
இல்லாதது அனைத்திலும் இருக்கின்ற பெரும்ஞானம்
இருப்பதில் அனுபவமாய்ப் பெறும்ஞானம் மெய்ஞ்ஞானம்
இல்லாமல் அதிசயங்கள் புரிகின்ற புதுஞானம்
கேள்விக்கெலாம் பதிலாகும் பேரண்ட வெளிஞானம்
விரல்நுனியில் உலகத் தகவல்களைத் தருஞானம்
உருவின்றி உதவிடுமே உணர்வின்றி நேசிக்குமே
உறவின்றி உறவாகும் பகையில்லா நண்பனாய்க்
கையின்றி உதவிடுமே வாயின்றிப் பேசிடுமே
கருவின்றி உருவானநீ இறைவனா? மனிதனா?
அனுபமா உதிவ்