நூல் அறிமுகம்

தலைப்பு: நீர்த் திவலைகள்: சிறுகதைகள் நூலாசிரியர்: பிரேமா மகாலிங்கம் பதிப்பாளர்: சிங்கப்பூர் : ஆர்யா கிரியேஷன்ஸ், 2017 குறியீட்டு எண்: Sing PRE அனைத்து உரிமைகளும் காப்புரிமைக்கு உட்பட்டவை.

நீர்த்திவலைகள் எனும் இந்தத் தொகுப்பின் ஒவ்வொரு கதையும், கண்ணாடி முன் நின்று நம்மையே பார்க்கச் செய்கிற பிரதிபலிப்பு. அவை வெறும் கதைகள் அல்ல; மழைத்துளி விழும் மண்ணைப் போல நம் உள்ளத்தைத் தொடும் உணர்வுகளின் துளிகள்.

‘ஊர்க்குருவி’ உறவுகளைத் தேடிச் செல்லும் சுகமான பயணத்தைக் கொண்டு வருகிறது. சிங்கப்பூரின் அதிவேகமான நகர வாழ்க்கைக்குப் பழக்கப்பட்டவர்களுக்குக் கிராமப்புற அமைதி ஒரு மாறுபட்ட அனுபவத்தை வழங்குகிறது.

‘காகிதப்பூக்கள்’ என்ற கதை வயோதிகத்தின் அமைதியான சோகத்தை மனக்கண்முன் நிறுத்துகிறது. மலர்கள் காகிதமாக இருந்தாலும், அதில் பதிந்திருக்கும் உணர்வுகள் இரத்தமுள்ள இதயமாகத் துடிக்கின்றன. அவை வாசகனைத் தாளாத சோகத்தில் ஆழ்த்துகின்றன.

‘நிலாச் சோறு’ சிங்கை நிலவின் வெண்மையில் நம்மை அமர்த்தி, கதம்பச் சோற்று உருண்டையை ஊட்டும் அன்பு நிறைந்த அம்மாவைப் போல மனத்தை நனையச் செய்கிறது. சமையலின் வாசனைக்குள் நட்பு, பாசம், காதல் என அனைத்தும் கலந்து, வாசகனைக் கவர்ந்து இழுக்குகிறது. அது வெறும் உணவல்ல; நினைவுகளின் நீண்ட விருந்தே.

இந்தப் பதினேழு நீர்த்திவலைகள், ஒன்றாகச் சேர்ந்தால் ஒரு பெருவெள்ளம். அவை வாசகனின் உள்ளத்தில் விழுந்து அலைகளாக, வாசிப்புத் தாகத்தைத் தூண்டும் வசீகரம்.

தேசிய நூலக வாரியத்துக்காக, மஹ்ஜபீன்

நூல் கிடைக்கும் நூலகங்களின் விவரங்களைப் பெற: http://catalogue.nlb.gov.sg