மாணவர் முரசு
இ-பேப்பர்
2030ஆம் ஆண்டுக்குள், சிங்கப்பூரில் பதிவு செய்யப்படும் அனைத்து புதிய கார்களும் மின்சார வாகனங்களாக இருக்க வேண்டும். அவை முழு மின்சார வாகனங்களாக (இவி), பெட்ரோல்-கலப்பின வாகனங்களாக அல்லது ஹைட்ரஜன் எரிபொருள் மின்கல வாகனங்களாக இருக்கலாம். ஆனால் உள் எரிப்பு இயந்திரக் (ஐசிஇ) கார்களாக இருக்கக்கூடாது.
அண்மைய ஆண்டுகளில் ஐசிஇ கார்களில் இருந்து மாறும் போக்கு வேகமெடுத்துள்ளது. மேலும், காட்சிக் கூடங்களில் இருந்து அத்தகைய கார்கள் முற்றிலுமாக மறைவதைக் காண, இந்தப் பத்தாண்டுக்கால இறுதி வரை காத்திருக்க வேண்டிய அவசியமில்லை என்பது தெரிகிறது.
2026ஆம் ஆண்டின் முதல் மூன்று மாதங்களில், முற்றிலும் புதைபடிவ எரிபொருளில் இயங்கும் கார்களின் பதிவுகள் தலா 878 மட்டுமே இருந்தன. இது சாலையில் இருந்த 13,322 புதிய கார்களில் 6.6 விழுக்காடு மட்டுமே. 2024ஆம் ஆண்டின் இதே காலகட்டத்தில், புதிதாகப் பதிவு செய்யப்பட்ட 8,162 கார்களில், பெட்ரோல் மற்றும் டீசல் இயந்திரக் கார்கள் 19.6 விழுக்காடு (1,598 கார்கள்) ஆக இருந்தன. அதனுடன் ஒப்பிடுகையில் இது பெரும் வீழ்ச்சி.
2025ஆம் ஆண்டு முதல், சிங்கப்பூர் புதிய டீசல் கார்களின் பதிவை நிறுத்திவிட்டது என்பது குறிப்பிடத்தக்கது.
