பாசிர் ரிஸில் பேருந்து மோதி சைக்கிளோட்டி மரணம்

பாசிர் ரிஸில் திங்கட்கிழமை (ஏப்ரல் 10) காலை கோ அஹெட் பேருந்து மோதி 65 வயது சைக்கிளோட்டி மாண்டார்.

விபத்தில் மாண்டவர் துப்புரவு ஊழியர். அவர் வேலைக்குச் சென்றபோது விபத்தில் சிக்கியதாகக் கூறப்பட்டது.

பாசிர் ரிஸ் டிரைவ் 3 மற்றும் பாசிர் ரிஸ் சென்ட்ரல் சந்திப்பில் அவ்விபத்து நிகழ்ந்தது.

விபத்தில் சிக்கிய ஆடவர் உடனடியாக சாங்கி பொது மருத்துவமனையில் சேர்க்கப்பட்டார். பின்னர் அவர் சிகிச்சை பலனின்றி மாண்டதாகத் தெரிவிக்கப்பட்டது.

விபத்து தொடர்பாக ஏப்ரல் 10ஆம் தேதி காலை 7:20 மணிக்கு தங்களுக்கு தகவல் வந்ததாகக் காவல்துறை குறிப்பிட்டது.

விபத்து தொடர்பான விசாரணையில் 45 வயது பேருந்து ஓட்டுநர் உதவி வருகிறார்.