மாணவர் முரசு
இ-பேப்பர்
நகர மன்றத் துப்புரவாளர்களின் பணி எத்தகையது என்பது பற்றிய அனுபவத்தைப் பெற்றார் நீ சூன் குழுத்தொகுதி நாடாளுமன்ற உறுப்பினர் லுயிஸ் இங். முதல் முறையாக நாடாளுமன்ற உறுப்பினராகியிருக்கும் அவர், நேற்று முன்தினம் தெருக்களைப் பெருக்குதல், குப்பைத் தொட்டிகளில் உள்ள குப்பைகளைச் சேகரித்தல் போன்ற பணிகளை நீ சூன் நகர மன்றத் துப்புரவாளர்களுடன் இணைந்து மேற் கொண்டார். அது தொடர்பிலான படங்கள் அவரது 'ஃபேஸ்புக்' பக்கத்தில் இடம்பெற்றன.
"உடலுக்கு மிகவும் சோர்வை உண்டாக்கக்கூடிய கடினமான பணியாக இருந்தது. துப்புரவாளர் ஹனிஃப் இப்பகுதி மக்களால் எந்த அளவுக்கு விரும்பப்படுகிறார் என்பதையும் அவர் எப்படி எப்போதும் புன்முறுவலுடன் இருக்கிறார் என்பதையும் நான் தெரிந்துகொண்டேன்," என்று திரு இங் பதிவிட்டிருந்தார். திரு இங்கின் 'ஃபேஸ்புக்' பக்கத்தில் பலரும் ஊக்குவிக்கும் விதமான கருத்துகளைத் தெரி வித்திருந்தனர். மேம்பட்ட துப்புரவு உபகரணங்கள் இருந்தால் துப்புர வாளர்கள் பயன்பெறுவர் எனச் சிலர் கருத்துரைத்திருந்தனர்.
நீ சூன் நகர மன்றத் துப்புரவாளர்களுடன் சேர்ந்து அக்குழுத்தொகுதி நாடாளுமன்ற உறுப்பினர் லுயிஸ் இங் (வலக்கோடி) 'ஒருநாள் துப்புரவாளராக' பணி செய்து அவர்கள் எதிர்நோக்கும் சவால்கள் பற்றி அறிந்துகொண்டார். படம்: திரு லுயிஸ் இங்கின் 'ஃபேஸ்புக்' பக்கம்