லஞ்சம்: முன்னாள் கட்டட வசதிகள் மேலாளருக்குச் சிறை

லஞ்சம் வாங்கிய குற்றத்துக்காகச் செயிண்ட் ஜோசஃப்ஸ் கல்வி நிலையத்தின் முன்னாள் கட்டட வசதிகள் மேலாளருக்கு சிறைத் தண்டனை விதிக்கப்பட்டது.

58 வயது இங் செர் ஹிம்முக்கு வியாழக்கிழமையன்று (அக்டோபர் 30) 15 மாதங்கள், நான்கு வாரச் சிறைத் தண்டனை விதிக்கப்பட்டது.

அத்துடன், $7,500 அபராதமும் விதிக்கப்பட்டது.

செயிண்ட் ஜோசஃப்ஸ் கல்வி நிலையத்தில் பல்வேறு திட்டங்களை நடைமுறைப்படுத்த நியமிக்கப்பட்டவர்களிடமிருந்து $67,000க்கும் அதிகமான தொகையை இங் லஞ்சமாகப் பெற்றுக்கொண்டதாகத் தெரிவிக்கப்பட்டது.

அவர் மீது சுமத்தப்பட்ட நான்கு குற்றச்சாட்டுகளை அவர் ஒப்புக்கொண்டார்.

லஞ்சமாகப் பெறப்பட்ட பணத்தை இங் செலவு செய்துவிட்டதாக நீதிமன்றத்தில் தெரிவிக்கப்பட்டது.

இவ்வாண்டு செப்டம்பர் மாதத்தில் அவர் தாமாகவே முன்வந்து $59,600 தொகையை அரசாங்கத்திடம் ஒப்படைத்தார்.

இங்கை வழக்கறிஞர்கள் யாரும் பிரதிநிதிக்கவில்லை.

தொடர்புடைய செய்திகள்

லஞ்சம் வாங்கிய இருவருக்குச் சிறை

தமது செயல்களுக்கு வருந்துவதாகவும் வெட்கப்படுவதாகவும் இங் நீதிமன்றத்தில் தெரிவித்தார்.