பதிவு ரத்தான கார்களை வைத்திருந்ததாக நிறுவனம்மீது குற்றச்சாட்டு

விதிமுறைகளை மீறிய காரணத்தால் ஆட்டோபான் (Autobahn) வாடகை கார் நிறுவனத்தின்மீது நான்கு குற்றச்சாட்டுகள் சுமத்தப்பட்டுள்ளன.

பதிவு ரத்து செய்யப்பட்ட இரண்டு கார்களைச் சட்டவிரோதமாக வைத்திருந்ததாக அந்நிறுவனம்மீது குற்றம் சாட்டப்பட்டுள்ளது.

ஒவ்வொரு காருக்கும் இரண்டு குற்றச்சாட்டுகள் வீதம் குற்றம் சுமத்தப்பட்டுள்ளதாக நீதிமன்ற ஆவணங்களில் குறிப்பிடப்பட்டுள்ளன.

பதிவு ரத்து செய்யப்பட்ட வாகனங்களை வைத்திருக்கக்கூடாது. மேலும், பதிவு ரத்து செய்யப்பட்ட ஒரு மாதத்திற்குள் அந்த வாகனங்கள் ஏற்றுமதி செய்யப்பட அல்லது அழிக்கப்பட வேண்டும். அது தொடர்பான ஆதாரத்தையும் உரிமையாளர்கள் வழங்க வேண்டும். இவை இரண்டையும் நிறுவனம் செய்யவில்லை.

அந்தக் கார்களின் பதிவுகள் முறையே 2026 ஜனவரி 21ஆம் தேதியும் மார்ச் 16ஆம் தேதியும் ரத்து செய்யப்பட்டன.

இந்த வழக்கு செப்டம்பர் 17ஆம் தேதி மாவட்ட நீதிமன்றத்தில் விசாரணைக்கு வந்தது.

அக்டோபர் 13ஆம் தேதி நிலப் போக்குவரத்து ஆணையம் தொடர்புடைய அடுத்தகட்ட விசாரணை நடைபெறும் என்று தெரிவிக்கப்பட்டது.

பதிவு செய்யப்படாத வாகனத்தை வைத்திருந்தால் அல்லது பயன்படுத்தினால் 20,000 வெள்ளி வரை அபராதம் அல்லது இரண்டு ஆண்டுகள் வரை சிறைத்தண்டனை விதிக்கப்படலாம்.

இவையும் உங்களுக்குப் பிடிக்கலாம்

அனைத்துவகைச் செய்திகளும் ஒரே இடத்தில்.

ஊழியர்களின் வேலைநிறுத்தப் போராட்டத்தால் ஐந்து நாள்கள் முடங்கும் வங்கிச் சேவைகள்

23 Sep 2026 - 7:52 PM

குறுந்தகவலில் பெரிய மோசடி ஒளிந்திருக்கக்கூடும்: மெட்டா எச்சரிக்கை

23 Sep 2026 - 6:15 PM

சிங்கப்பூரில் செயல்பட்ட மோசடிக் கும்பலுக்குக் காரணம் எனச் சந்தேகிக்கப்படும் மலேசியர் கைது

23 Sep 2026 - 9:59 AM

பணப்பட்டுவாடா இல்லாத இடைத்தேர்தல்: கண்காணிப்பைத் தீவிரப்படுத்தும் தேர்தல் ஆணையம்

23 Sep 2026 - 5:49 PM

வாகனங்கள் அகற்றப்பட்டதற்கான ஆதாரத்தை வழங்கத் தவறினால் 2,000 வெள்ளி வரை அபராதம் அல்லது மூன்று மாதங்கள் வரை சிறைத்தண்டனை விதிக்கப்படும்.