டிபிஎஸ் வங்கியின் இணையச் சேவையில் தடங்கல்

டிபிஎஸ் வங்கியின் இணையச் சேவையில், வெள்ளிக்கிழமை (மே 5) கிட்டத்தட்ட ஒரு மணி நேரம் தடங்கல் ஏற்பட்டது.

ஆயிரத்திற்கும் மேற்பட்ட வங்கி வாடிக்கையாளர்கள் இணைய சேவையைப் பயன்படுத்த முடியாமல் தவித்தனர்.

சேவைத் தடங்கல் பிற்பகல் 12:30 மணிவாக்கில் தொடங்கியதாகக் கூறப்படுகிறது.

வங்கியின் தானியங்கி சேவையிலும் தடங்கல் இருந்ததாகத் தெரிவிக்கப்பட்டது.

பிற்பகல் 1:30 முதல் டிபிஎஸ் சேவைகள் அனைத்தும் வழக்கநிலைக்கு திரும்பியதாக 2:40 மணிக்கு வங்கி சமூக ஊடகங்களில் தகவல் வெளியிட்டது.

கடந்த இரண்டு மாதங்களில் மட்டும் இதுபோன்ற தடங்கல்கள் ஏற்படுவதில் இது இரண்டாவது முறை.

இதற்கு முன்னர் மார்ச் 29ஆம் தேதி டிபிஎஸ் வங்கியின் இணையச் சேவையில் காலை 7 மணி முதல் இரவு 7:30 மணி வரை தடங்கல் ஏற்பட்டது.

கிட்டத்தட்ட 12 மணி நேரம் வங்கிச் சேவைகளைப் பயன்படுத்த முடியாமல் வாடிக்கையாளர்கள் அதிருப்தியடைந்தனர்.