உரிமமின்றி வாகனம் ஓட்டி உயிரிழப்பை ஏற்படுத்திய இளையர்

சிங்கப்பூரில் இளையர் ஒருவர் வாகனம் ஓட்டும் உரிமம் இல்லாமல் வேனை ஓட்டிப் பெரும் விபத்தை ஏற்படுத்தினார்.

வீவர் சியாம் செங் ஜி என்னும் 20வயது இளையரின் நடவடிக்கையால் அவருடன் சேர்ந்து பயணம் செய்த நபர் விபத்தில் மாண்டார்.

சியாம்மீது புதன்கிழமை (செப்டம்பர் 17) குற்றஞ்‌‌‌சாட்டப்பட்டது.

சியாம் 2023ஆம் ஆண்டு டிசம்பர் 31ஆம் தேதி காலை 7.40 மணிவாக்கில் தீவு விரைவுச் சாலையில் மைக்கல் ஓங் வீ சியோங் என்னும் 21 வயது நபருடன் வேனை ஓட்டினார்.

வாகனத்தைக் கவனம் இல்லாமலும் அலட்சியமாகவும் ஓட்டிய சியாம் லாரி ஒன்றின்மீது மோதினார். இதில் வேன் தலைகீழாகக் கவிழ்ந்தது. முன் இருக்கையில் இருந்த திரு ஓங் கழுத்தில் முறிவு ஏற்பட்டு மாண்டார்.

அந்த விபத்தின்போது சியாமிற்கு 18வயது.

காவல்துறையின் விசாரணையில் சியாம் ‘டெலிகிராம்’ செயலி வழி வாகன பகிர்வுச் சேவையை வழங்கியுள்ளார் என்பதும் தெரியவந்தது.

சியாம் தரப்பிடம் வழக்கிற்கு முந்தைய கலந்தாய்வு நடத்தப்படும் என்று தெரிவிக்கப்பட்டுள்ளது. அது அடுத்த மாதம் 24ஆம் தேதி நடக்கவுள்ளது.

இவையும் உங்களுக்குப் பிடிக்கலாம்

அனைத்துவகைச் செய்திகளும் ஒரே இடத்தில்.

சிங்கப்பூர்-சென்னை தரவு மையத் திட்டம்: சிங்கப்பூர் துணைப் பிரதமரும் தமிழக முதல்வரும் தொடங்கி வைத்தனர்

15 Oct 2026 - 7:48 PM

சரக்குக் கையாள்பவர்களுக்கு மெய்நிகர் தொழில்நுட்பம் மூலம் பயிற்சி

15 Oct 2026 - 9:17 PM

‘ஓப்பன்ஏஐ’மீது வழக்குப் பதிவுசெய்த அமெரிக்க மாநிலங்கள்

15 Oct 2026 - 12:21 PM

சிங்கப்பூரில் 70 ஊழியர்களைப் பணிநீக்கம் செய்கிறது ‘யுபிசாஃப்ட்’

15 Oct 2026 - 3:52 PM

கவனக்குறைவாக வாகனம் ஓட்டி உயிரிழப்பு ஏற்படுத்தினால் குற்றவாளிக்கு மூன்று ஆண்டுகள் வரையிலான சிறைத் தண்டனை மற்றும் 10,000 வெள்ளி வரையிலான அபராதம் விதிக்கப்படலாம்.

அதே தவற்றை மீண்டும் செய்தால் அந்த நபருக்கு ஆறு ஆண்டுகள் வரையிலான சிறைத் தண்டனை, $20,000 வரையிலான அபராதம் விதிக்கப்படலாம். .