தவறுதலாக காரின் வேகத்தைக் கூட்டி நண்பர்கள் மரணத்துக்குக் காரணமான முதியவருக்கு $10,000 அபராதம்

படம்: ஸ்ட்ரெய்ட்ஸ் டைம்ஸ்

20 Apr 2026 - 6:17 pm

2 mins read

காரின் வேகத்தைக் கட்டுப்படுத்தவும் நிறுத்தவும் உதவும் ‘பிரேக்’ கருவிக்குப் பதில் வேகத்தைக் கூட்டும் ‘ஆக்சிலரேட்டர்’ கருவியை அழுத்தியதால் நண்பர்கள் இருவரின் மரணத்திற்குக்குக் காரணமான முதியவருக்கு $10,000 அபராதம் விதிக்கப்பட்டுள்ளது.

தனது 50 ஆண்டுகால நண்பர்களின் மறைவுக்குக் காரணமான புவா சியூ டோங்கிற்கு வயது 86. உரிய கவனத்துடன் வாகனத்தைச் செலுத்தாததால் திரு இங் லியன் கியூ, 76, திரு ஷான் விங் சாய், 83, இருவரின் மரணத்துக்குக் காரணமாக இருந்த குற்றத்தை புவா ஒப்புக்கொண்டார். அதையடுத்து அவருக்கு அதிகபட்சமாகப் பத்தாயிரம் வெள்ளி அபராதம் விதிக்கப்பட்டது.

மேலும், எட்டு ஆண்டுகளுக்கு புவா எந்தவித வாகனத்தையும் ஓட்டுகின்ற உரிமத்தையும் வைத்திருக்கவோ புதிதாகப் பெறவோ முடியாது.

2013ஆம் ஆண்டிலிருந்தே உணவு, மளிகைப் பொருள்கள் வாங்க புவா தன் நண்பர்களை ஜோகூர் பாருவிற்குத் தனது காரில் அழைத்துச்செல்வது வழக்கம்.

2023ஆம் ஆண்டு அக்டோபர் 11ஆம் தேதி காலை 8 மணியளவில், தோ பாயோ லோரோங் 7ல் அமைந்துள்ள பலமாடி கார் நிறுத்துமிட நுழைவாயிலருகே புவா தன் நண்பர்கள்மீது தவறுதலாக காரை மோதிய சம்பவம் நடந்தது.

கார் நின்றதும் திரு இங் காரின் பின்பகுதியைத் திறக்க முயன்றார். அப்போது திரு சான் முன்பக்கப் பயணிகளுக்கான கதவைத் திறந்தார். அவ்வேளையில் கார் திடீரெனப் பின்னோக்கி நகரத் தொடங்கியது.

நண்பர்கள் இருவரும் காருக்கு மிக அருகில் இருப்பதைக் கண்ட புவா, காரை நிறுத்த முயன்றார். ஆனால், தவறுதலாக ‘பிரேக்’கிற்குப் பதிலாக ‘ஆக்சிலரேட்டரை’ அழுத்திவிட்டார். இதனால் கார் வேகமாகப் பின்னோக்கிச் சென்றதுடன் அவரது நண்பர்கள் இருவர் மீதும் மோதியது; தொடர்ந்து, அறிவிப்புப் பலகை ஒன்றின்மீதும் தூண்மீதும் மோதியது.

சம்பவத்தில் திரு இங்கும் திரு சானும் பலத்த காயமடைந்தனர். பின்னர் மருத்துவமனையில் அவர்கள் உயிரிழந்தனர்.

இவையும் உங்களுக்குப் பிடிக்கலாம்

அனைத்துவகைச் செய்திகளும் ஒரே இடத்தில்.

மூத்த துணை அமைச்சர் முரளி பிள்ளை, துணை அமைச்சர் தினேஷ் வாசு தாஸ், இசைக்கலைஞர்கள் ஆகியோருடன் இணைந்து இந்தியத் தாளக் கருவியை இசைக்கும் பிரதமர் லாரன்ஸ் வோங்.

ஒன்றுபட்டிருப்பது தமிழ்ச் சமூகத்திற்கும் சிங்கப்பூருக்கும் பெரும்பலம்: பிரதமர் வோங்

19 Sep 2026 - 9:12 PM

‘கார்டன் வாட்டர்ஃபிரண்ட்-2@தெங்கா’ பிடிஓ திட்டம் (இடம்) ஜூன் மாதத்தில் நிறைவடைந்தது. அதே வேளையில் ‘கார்டன் வாட்டர்ஃபிரண்ட்-1@ தெங்கா’ திட்டம் (வலம்) 2026ஆம் ஆண்டின் இறுதிக்குள் நிறைவடையும் என எதிர்பார்க்கப்படுகிறது.

புதுமைகளைப் புகுத்தி தெங்கா பிடிஓ வீடுகளைக் கட்டி முடித்துள்ள வீவக

19 Sep 2026 - 3:11 PM

சென்னை விமான நிலையத்தின் தற்போதைய செயல்பாடு குறித்து அதிருப்தி தெரிவித்துள்ள தமிழக அரசு, அதன் நிர்வாகத்தில் மாற்றம் தேவை என வலியுறுத்தியுள்ளது.

சென்னை விமான நிலைய நிர்வாகத்தை மாற்றக் கோரி மோடிக்கு விஜய் கடிதம்

19 Sep 2026 - 8:37 PM

2026ஆம் ஆண்டின் முற்பாதியில் மட்டும் 47,000க்கும் மேற்பட்ட மோசடி தொடர்பான கைப்பேசி எண்கள், 37,500 வாட்ஸ்அப் எண்களை காவல்துறை முடக்கியுள்ளது.

விரைந்து செயல்பட்டு மோசடிகளைத் தடுக்கும் இணையத் தளபத்தியம்

19 Sep 2026 - 6:50 PM

விபத்துக்குப் பிறகு புவா மனஉளைச்சலுக்கு (PTSD) ஆளானதாக அவரது வழக்கறிஞர்கள் நீதிமன்றத்தில் தெரிவித்தனர்.

மேலும், அவரது வயது மற்றும் உடல்நலப் பிரச்சினைகளைக் கருத்தில் கொண்டு தண்டனை விதிக்கப்பட்டுள்ளது.

இச்செய்தியைப் பகிரவும்

குறிப்புச் சொற்கள்

மரணம்கார்வேகம்அபராதம்முதியவர்