விளையாட்டை மேம்படுத்த அதிக சலுகைகள், நிதி உதவி

படம்: எஸ்பிஎச் மீடியா

21 Aug 2024 - 9:58 pm

2 mins read

விளையாட்டை வளமான, கவரக்கூடிய வாழ்க்கைத் தொழிலுக்கான வழி என்பதை சிங்கப்பூரர்களிடம் ஏற்படுத்த, அரசாங்கம் தேசிய திடல்தட வீரர்களுக்கான ஆதரவை பல்வேறு வகைகளில் மேம்படுத்த உள்ளது.

செப்டம்பர் 1 முதல் அவர்கள், இரு உபகாரச் சம்பள வழிமுறைகள் வாயிலாக, விளையாட்டு உன்னதக் கல்வி (spexEducation ) பட்டதாரி உபகாரச் சம்பளத் திட்டத்துக்கு விண்ணப்பிக்கலாம்.

விளையாட்டுப் பயிற்சியை மேற்கொள்ளும், போட்டிகளில் பங்கேற்கும் அதேநேரம் கல்வியையும் தொடர உதவக்கூடியது ‘டூயல் கரியர்’ என்பது ஒரு வழிமுறை.

விளையாட்டுப் போட்டிகளில் பங்கேற்பதில் இருந்து ஓய்வுபெற்ற பின்னர் படிக்க விரும்புவோருக்கு உதவக்கூடியது ‘நியூ கரியர்’ உபகாரச் சம்பள வழிமுறை.

இந்தத் திட்டத்தின் விவரங்கள் தற்போது பிரதமராக உள்ள லாரன்ஸ் வோங்கால் ஏப்ரல் மாதம் அறிவிக்கப்பட்டது.

அது பற்றிய அறிவிப்பை கலாசார, சமூக, இளையர் துறை அமைச்சர் எட்வின் டோங் புதன்கிழமை (ஆகஸ்ட் 21) வெளியிட்டார்.

தேசிய தினப் பேரணிக்குப் பின்னர் நடைபெற்ற மக்கள் ஈடுபாட்டுக் கூட்டம் ஒன்றில் அவர் அதனை அறிவித்தார். சிங்கப்பூர் ஸ்போர்ட்ஸ் ஹப்பில் நடைபெற்ற அந்தக் கூட்டத்தில் 300க்கும் மேற்பட்டோர் கலந்துகொண்டனர்.

விளையாட்டு உன்னத உபகாரச் சம்பளத்தின் உதவித்தொகை 2025 ஏப்ரல் 1 முதல் அதிகரிக்கப்படும். மேலும், உபகாரச் சம்பளம் பெறுவோரின் மத்திய சேம நிதிக் கணக்குகளில் மாதந்தோறும் தொகை நிரப்பும் முறை அப்போது அறிமுகம் காணும்.

இவையும் உங்களுக்குப் பிடிக்கலாம்

அனைத்துவகைச் செய்திகளும் ஒரே இடத்தில்.

உயர்ந்து வரும் கச்சா எண்ணெய் விலையால் ஏற்பட்டுள்ள பொருளியல் நெருக்குதல் மற்றும் ஆட்சி நிலைத்தன்மையையே அச்சுறுத்தக்கூடிய நீதிமன்றத் தீர்ப்பு ஆகியவை பிரதமர் அனுட்டின் சார்ன்விராகுலுக்குப் பெரும் சவால்களாக உருவெடுத்துள்ளன.

தாய்லாந்துப் பிரதமருக்கு மக்கள் ஆதரவு சரிவு

28 Sep 2026 - 2:45 PM

முன்னாள் பிரதமர் மகாதீர் முகமதின் மனைவி சித்தி ஹஸ்மா, 100வது வயதில் காலமானார்.

மலேசிய முன்னாள் பிரதமர் மகாதீரின் மனைவி 100வது வயதில் காலமானார்

28 Sep 2026 - 10:56 AM

(இடமிருந்து ஐந்தாவது) வர்த்தக, தொழில் அமைச்சர் டான் சீ லெங், பசிபிக்லைட் பவர் நிறுவனத்தின் நிலம் திருத்தும் நிகழ்ச்சியில் கலந்துகொண்டார்.

மின்கலன் சேகரிப்புடன் முதல் ஆலையைக் கட்டும் பசிபிக்லைட் பவர்

28 Sep 2026 - 3:25 PM

குற்றம் நிரூபிக்கப்பட்டால் $1,000 வரை அபராதம், மூன்று மாதங்கள் வரை சிறைத்தண்டனை அல்லது இரண்டும் விதிக்கப்படலாம்.

கனரக வாகனங்களை அதிவேகமாக ஓட்டிய நால்வர்மீது குற்றச்சாட்டு

28 Sep 2026 - 2:46 PM

சலுகையை அதிகரிப்பதன் மூலம் திடல்தட வீரர்கள், உடல்குறை உள்ள திடல்தட வீரர்களின் நிதி நிலைத்தன்மையை பலப்படுத்த முடியும் என்றார் திரு டோங்.

உதாரணத்திற்கு, $4,000 விளையாட்டு உன்னத உபகாரச் சம்பளம் பெறுவோருக்கு 2025 ஏப்ரல் 1 முதல் அந்தத் தொகை $5,000 வரை அதிகரிக்கும். அதில் 20 விழுக்காடு ($1,000) மத்திய சேம நிதியில் போடப்படும். அத்துடன், ஸ்போர்ட்எஸ்ஜி அமைப்பு மத்திய சேம நிதிக் கணக்கில் 17 விழுக்காடு ($850) செலுத்தும்.

அதாவது, $4,000 உதவித்தொகை பெறும் அதேவேளை அவர்களின் மத்திய சேம நிதிக் கணக்கில் ஒவ்வொரு மாதம் $1,800க்கு மேல் சேரும்.

இச்செய்தியைப் பகிரவும்

குறிப்புச் சொற்கள்

விளையாட்டுஇளையர்சலுகை