மாணவர் முரசு
இ-பேப்பர்
சிங்கப்பூர்த் தமிழ் எழுத்தாளர் கழகம் ஆண்டுதோறும் நடத்தும் கவியரசு கண்ணதாசன் விழாவை வரும் நவம்பர் 15ஆம் தேதி சிறப்பாக நடத்தவிருக்கிறது. அதனை ஒட்டி இவ்வாண்டும் இரண்டு பிரிவுகளாகக் கண்ணதாசன் பாட்டுத் திறன் போட்டிக்கு ஏற்பாடு செய்யப்பட்டுள்ளது.
பாடல் போட்டிகளின் முதல் சுற்று இம்மாதம் 28ஆம் தேதி காலை 9.00 மணி முதல் தேசிய நூலகத்தில் நடைபெறும்.
முதல் பிரிவு 6 முதல் 14 வயது வரை உள்ளவர்களுக்கும் இரண்டாவது பிரிவு 14 வயதிற்கு மேலுள்ளவர்களுக்கும் நடைபெறும்.
கவியரசு கண்ணதாசன் இயற்றிய திரைப்பாடல்கள் சிங்கப்பூர்த் தமிழ் எழுத்தாளர் கழகத்தின் https://www.singaporetamilwriters.com/29 இணையத் தளத்தில் பதிவேற்றம் செய்யப்பட்டுள்ளன.
அந்தப் பட்டியலில் ஒவ்வொரு பிரிவுக்கும் உள்ள 60க்கும் மேற்பட்ட பாடல்களில் ஏதாவது ஒரு பாடலைத் தேர்வு செய்து பாட வேண்டும். இந்தப் போட்டியில் ஆண்கள் ஆண்குரல் பாடல்களையும், பெண்கள் பெண்குரல் பாடல்களையும் பாட வேண்டும். மாற்றிப் பாடக்கூடாது. அந்தப் பட்டியலில் இல்லாத கண்ணதாசன் பாடல்களைப் பாட, எழுத்தாளர் கழகத்திடம் தெரிவித்து முன் அனுமதி பெற வேண்டும்.
இந்தப் போட்டியில் பங்கேற்க https://forms.gle/i7utuFbPrdwUvEUU8 என்ற இணையப் பக்கம் வழி பதிவுசெய்யவும். பதிவு செய்ய இறுதி நாள் இம்மாதம் 22ஆம் தேதி.
வெற்றியாளர்களுக்கு ரொக்கப் பரிசுகள், வெற்றிக் கிண்ணங்கள், சான்றிதழ்கள் வழங்கப்படும்.
மேல் விவரங்களுக்கு www.singaporetamilwriters.com இணையத் தளத்தை நாடலாம் அல்லது கழகத்தின் உதவித் தலைவர் திரு கோ.இளங்கோவனை 91216494 என்ற எண்ணில் தொடர்புகொள்ளலாம்.
