லிட்டில் இந்தியா வரவேற்ற தீபாவளி

ஆட்டம், பாட்டம், கொண்டாட்டம். தீபாவளிக்கு ஒரு மணிநேரம் முன் இப்படித்தான் இருந்தது லிட்டில் இந்தியா!

திரும்பும் இடமெல்லாம் அலைமோதிய கூட்டம். மக்களைக் கூவி கூவி அழைத்த கடைக்காரர்கள்! அறுசுவை உணவின் அபார வாசம்! கடைசி நிமிடத்தில் சூடுபிடித்த பலகார விற்பனை. தள்ளுபடி விலைகளில் பறந்த துணிமணிகள்!

நேரமானாலும் பிடித்தமானதைப் பார்த்துப் பார்த்து வாங்கிச் சென்றனர் பலர். - படம்: த. கவி

பல கடைகள் மக்களை ஈர்க்க கழிவு விலைகளில் பொருள்களை விற்றன. - படம்: த. கவி

ஒவ்வோர் ஆண்டும் தீபாவளி உற்சாகத்தைத் தர தவறுவதே இல்லை லிட்டில் இந்தியா.

கேம்பல் லேன், சையது ஆல்வி சாலைக்கு எதிரில் உள்ள தீபாவளிச் சந்தை, பர்ச் ரோடு சந்தை எனத் திரும்பும் இடமெல்லாம் வண்ணக்கோலம்.

நள்ளிரவு அடித்ததுதான் தாமதம். ‘தீபாவளி வாழ்த்துகள்!’ என்று லிட்டில் இந்தியா முழுதும் எதிரொலித்தன மக்களின் சத்தம்.

லிட்டில் இந்தியாவில் நள்ளிரவுக்குப் பின் கொண்டாட்டம் களைகட்டியது. - படம்: த. கவி

ஆரவாரத்துடன் தீபாவளிச் சந்தை களைக்கட்டியது.

மத்தாப்பு ஒளியில் தீபாவளி உணர்வு லிட்டில் இந்தியாவில் கரைபுரண்டது.

பலரும் மத்தாப்பைக் கொளுத்தி தீபாவளியை வரவேற்றனர். - படம்: த. கவி

ஒவ்வோர் ஆண்டும் தீபாவளிக்கு அழகு சேர்க்கும் அங்கங்கள் இந்தக் கனரக வாகன அணிவகுப்பும் ஒன்று.

இவையும் உங்களுக்குப் பிடிக்கலாம்

அனைத்துவகைச் செய்திகளும் ஒரே இடத்தில்.

ஜெர்மனியில் கேரளாவைச் சேர்ந்த மூவர் கருகி மரணம்: தீ மூட்டியதாக ஆடவர் கைது

15 Oct 2026 - 10:15 PM

சரக்குக் கையாள்பவர்களுக்கு மெய்நிகர் தொழில்நுட்பம் மூலம் பயிற்சி

15 Oct 2026 - 9:17 PM

சிங்கப்பூரில் 70 ஊழியர்களைப் பணிநீக்கம் செய்கிறது ‘யுபிசாஃப்ட்’

15 Oct 2026 - 3:52 PM

என்95 முகக்கவசங்கள் விநியோகம்; குளிரூட்டப்பட்ட அறைகள் திறப்பு

14 Oct 2026 - 8:05 PM

சிராங்கூன் சாலை நெடுக மோட்டார்சைக்கிள், லாரிகள், கார்கள், கனரக வாகனங்கள் சரசரவென சென்றது பார்ப்போரை மெய்சிலிர்க்க வைத்தது

மோட்டார்சைக்கிள்களின் அணிவகுப்பு கொண்டாட்டத்தை மெருகேற்றியது. - படம்: த. கவி

ஆயிரக்கணக்கானோர் லிட்டில் இந்தியாவில் திரண்டு கொண்டாட்டத்தில் மகிழ்ந்தனர். - படம்: த. கவி

இனிதே தொடங்கிய தீபாவளிக் குதூகலம் இனியும் தொடரும். தமிழ் முரசின் இனிய தீபாவளி வாழ்த்துகள்!