விபத்தில் மோட்டார் சைக்கிளோட்டி மரணம்; காரோட்டி கைது

லோயாங்கில் வெள்ளிக்கிழமை காலை நிகழ்ந்த விபத்தில் மோட்டார் சைக்கிளோட்டி ஒருவர் உயிரிழந்தார்.

லோயாங் வே, லோயாங் லேன் சந்திப்பில் காரும் மோட்டார் சைக்கிளும் சம்பந்தப்பட்ட விபத்து நிகழ்ந்திருப்பதாக காலை 6.40 மணியளவில் தங்களுக்குத் தகவல் கிடைத்ததாகக் காவல்துறை கூறியது.

சம்பவ இடத்திலேயே 31 வயது மோட்டார் சைக்கிளோட்டி மாண்டதாக சிங்கப்பூர் குடிமைத் தற்காப்புப் படையின் உதவி மருத்துவர் குழு தெரிவித்தது.

மரணம் விளைவிக்கும் அளவுக்குக் கவனம் குறைவாக கார் ஓட்டிய குற்றத்துக்காக 55 வயது காரோட்டி கைது செய்யப்பட்டார்.

விபத்து நிகழ்ந்த இடத்தில் காவல்துறையின் நீலநிறக் கூடாரம் இருப்பதையும் அருகில் பலத்த சேதமடைந்த மோட்டார் சைக்கிள் ஒன்று கிடப்பதையும் விபத்துக்குப் பின்னர் எடுக்கப்பட்ட காணொளி காட்டியது.

நொறுங்கிய மோட்டார் சைக்கிளின் பாகங்கள் சாலையில் சிதறிக் கிடந்ததையும் பல்வேறு சமூக ஊடகங்களில் பதிவேற்றம் செய்யப்பட்ட அந்தக் காணொளியில் காணமுடிந்தது.

மோட்டார் சைக்கிளின் பதிவெண் தகட்டில் வெளிநாட்டு எண் இருந்தது.

விபத்து நிகழ்ந்த இடத்தில் காவல்துறையின் வேன் ஒன்றும் இரண்டு மோட்டார் சைக்கிள்களும் இருப்பதையும் நடுத்தர வயதுடைய ஆடவர் ஒருவருடன் காவல்துறை அதிகாரி ஒருவர் பேசிக்கொண்டு இருந்ததையும் மற்றொரு காணொளி காட்டியது.

இவையும் உங்களுக்குப் பிடிக்கலாம்

அனைத்துவகைச் செய்திகளும் ஒரே இடத்தில்.

சிங்கப்பூர்த் தம்பதியைத் தாய்மண்ணோடு இணைத்த ஸ்கூட் நிறுவனத்தின் ‘லெட்ஸ் கோ ஹோம்’

31 Oct 2026 - 8:30 AM

என்விடியாவைப் பின்னுக்குத் தள்ளி ஆப்பிள் மீண்டும் சாதனை

31 Oct 2026 - 3:12 PM

உட்லண்ட்ஸ் சோதனைச்சாவடி: மலேசியா செல்லும் வழியில் வாகன நெரிசல்

31 Oct 2026 - 1:12 PM

சிங்கப்பூர்- பாகிஸ்தான் வர்த்தகம் இன்னும் அதிகமாக இருக்கவேண்டும்: விவியன்

30 Oct 2026 - 9:27 PM

விபத்து காரணமாக பல்வேறு பேருந்து சேவைகள் தாமதம் அடைந்ததாக எஸ்பிஎஸ் டிரான்சிட் நிறுவனம் காலை 9.35 மணியளவில் தனது ஃபேஸ்புக் பதிவில் குறிப்பிட்டது. பின்னர், சேவைகள் அனைத்தும் வழக்கநிலைக்குத் திரும்பிவிட்டதாக காலை 10.45 மணிக்கு அந்நிறுவனம் வெளியிட்ட மற்றொரு பதிவு கூறியது.