மரினா ஸ்குவேர் கடைத்தொகுதி மறுசீரமைப்புக்காக 2027 மார்ச்சில் மூடப்படும்

சிங்கப்பூரின் புகழ்பெற்ற கடைத்தொகுதிகளில் ஒன்றான மரினா ஸ்குவேர், 2027ஆம் ஆண்டு மார்ச் மாதத்தில் மூடப்படவுள்ளது. அதைத் தொடர்ந்து, அப்பகுதியில் புதிய மறுமேம்பாட்டுப் பணிகள் தொடங்கப்படவுள்ளன.

மறுசீரமைப்புப் பணிகளின் ஒரு பகுதியாக சொகுசு வீடுகள், புதிய ஹோட்டல், அடுக்குமாடிக் குடியிருப்புகள், அலுவலகங்கள் முதலியவை சேர்க்கப்படவுள்ளன.

மறுசீரமைப்புப் பணிகள் 2031ஆம் ஆண்டுக்குள் நிறைவடையும் என எதிர்பார்க்கப்படுவதாகச் சிங்கப்பூர் லேண்ட் குழுமம் (சிங்லேண்ட்) செவ்வாய்க்கிழமை (செப்டம்பர் 1) தெரிவித்தது. வளாகத்தில் தற்போதுள்ள மூன்று ஹோட்டல்களும் கட்டுமானப் பணிகளின்போது தொடர்ந்து இயங்கும்.

தற்போதுள்ள மூன்று ஹோட்டல்களான பேன் பசிபிக் சிங்கப்பூர், பார்க்ராயல் கலெக்‌ஷன் மரினா பே, மாண்டரின் ஓரியன்டல் சிங்கப்பூர் ஆகியவற்றுடன் மூன்று புதிய கோபுரங்கள் இணைக்கப்படும். அதேவேளையில் நான்கு தளங்களைக் கொண்ட மரினா ஸ்குவேர் கடைத்தொகுதி சீரமைக்கப்படும்.

புதிய வளாகம் ஏறக்குறைய 9.2 ஹெக்டர் பரப்பளவைக் கொண்டிருக்கும். இதில் குடியிருப்புகள், ஹோட்டல்கள், அலுவலகங்கள், சில்லறை விற்பனைக் கடைகள், விளையாட்டுக் கூடங்கள், உடற்பயிற்சி நிலையங்களுடன் கலை, கலாசார இடங்களும் இருக்கும்.

மூன்று முதல் ஐந்து படுக்கையறைகள் வரை கொண்ட 204 சொகுசு வீடுகளுடன் குடியிருப்புக் கட்டடமொன்று வரவுள்ளது. 49 தளங்களைக் கொண்ட அதன் உயரம் 190 மீட்டருக்கும் அதிகம்.

மற்றொன்று, 19 தளங்களைக் கொண்ட பலபயன் கட்டடம். அதில் 304 அறைகளைக் கொண்ட ஹோட்டலும் கிட்டத்தட்ட 13,000 சதுர மீட்டர் பரப்பளவிலான உயர்தர அலுவலகங்களும் அமைந்திருக்கும்.

ஹோட்டல், 4 முதல் 10 வரையிலான தளங்களில் கட்டப்படும். அதேவேளையில் 12 முதல் 19 வரையிலான தளங்களில் அலுவலகங்கள் அமைந்திருக்கும்.

இவையும் உங்களுக்குப் பிடிக்கலாம்

அனைத்துவகைச் செய்திகளும் ஒரே இடத்தில்.

30 ஆண்டு லட்சியக் கனவு: சாங்கி விமான நிலையத்தில் ஒலிக்கும் தமிழ்க் குரல்

25 Oct 2026 - 5:30 AM

பாலியில் சட்டவிரோதக் கடன் கும்பல் பிடிபட்டது; சிங்கப்பூரர் இருவர் உட்பட 17 பேர் கைது

28 Oct 2026 - 11:16 AM

இஸ்ரேலியத் தேர்தலில் இழுபறி; நெட்டன்யாகுவுக்குப் பின்னடைவு

28 Oct 2026 - 10:38 AM

சமூகப் பணியை அடுத்த நிலைக்குக் கொண்டு செல்ல இளையர்களுக்கு விருது

28 Oct 2026 - 5:04 AM

மூன்றாவதாக, 24 தளங்களைக் கொண்ட அடுக்குமாடிக் கட்டடத்தில் 260 வீடுகள் இருக்கும். அங்கிருந்து மரினா பே வட்டாரத்தையும் பே ஈஸ்ட் கார்டன் பூங்காவையும் பார்க்க முடியும்.